މިއަހަރުގެ މިހާތަނަށް އާސަންދައިން އެއް ބިލިޔަނަށްވުރެ ގިނަ ރުފިޔާ ހަރަދުކޮށްފި
Read Time:2 Minute, 22 Second
މިއަހަރުގެ މިހާތަނަށް އާސަންދައިން އެއް ބިލިޔަނަށްވުރެ ގިނަ ރުފިޔާ ހަރަދުކޮށްފައިވާ ކަމަށް މާލީ ރިޕޯޓުން ދައްކައިފިއެވެ.
ފިނޭންސް މިނިސްޓްރީގެ ތަފާސްހިސާބު ތަކުން ދައްކާގޮތުގައި މިއަހަރު ފެށިގެން މިދިޔަ ޖުލައި މަހުގެ 17 އާ ހަމައަށް ދައުލަތުގެ ބަޖެޓުން އާސަންދައަށް 1.1 ބިލިޔަން ރުފިޔާ ވަނީ ހަރަދުކޮށްފައެވެ. މިއީ މިދިޔަ އަހަރުގެ މި މުއްދަތާއި އަޅާބަލާއިރު 9.9% އިތުރު އަދަދެކެވެ.
މިއަހަރުގެ ބަޖެޓުގައި އާސަންދައަށް ކަނޑައަޅާފައިވަނީ 1.8 ބިލިޔަން ރުފިޔާއެވެ. އެހެންކަމުން އާސަންދައަށް ކަނޑައަޅާފައިވާ ބަޖެޓުގައި މިހާރު ބާކީ އޮތީ ގާތްގަނޑަކަށް 760 މިިލިޔަން ރުފިޔާއެވެ.
ކޮންމެ އަހަރަކު ވެސް އާސަންދަ ބަޖެޓަށް ބޮޑު ހަރަދެއް ސަރުކާރުން ކުރަމުން އަންނައިރު، މި ހަރަދު ކުޑަ ކުރުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ކު ރައްޖޭގެ ސިއްހީ ނިޒާމު ހަރުދަނާކޮށް، ފަރުވާއަށް ރާއްޖެއިން ބޭރަށް ދާންޖެހޭ މީހުންގެ އަދަދު މަދުކުރުމަށް ސަރުކާރުން ދަނީ މަސައްކަތް ކުރަމުންނެވެ.
ބޭސް ފަރުވާއަށް ފުރާ މީހުންނަށް ދޭ އެހީގެ އިތުރުން ބޭސް ގަތުމަށް ވެސް އާސަންދައިން ހަރަދު ކުރެއެވެ. މިހުރިހާ ކަމަކަށް ކޮންމެ އަހަރަކު 3 ބލިއަނެއް ހާ ރުފިޔާ އާސަންދަ އަށް ހަރަދުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %