އދ. އަތޮޅުގެ ފަރަކަށް އެރި ޔޮޓަކަށް 4.8 މިލިއަން ރުފިޔާގެ ޖޫރިމަނާއެއް
Read Time:1 Minute, 54 Second
އދ. އަތޮޅުގެ ފަރަކަށް އެރި ޔޮޓެއް، އެންވަޔަރަމެންޓަލް ޕްރޮޓެކްޝަން އެޖެންސީ (އީޕީއޭ) އިން 4.8 މިލިއަން ރުފިޔާއިން ޖޫރިމަނާ ކުރަން ނިންމައިފިއެވެ.
ޓެމްޕަލް މެރިންގެ ”އެމް.ވައި ބިގް ފިޝް“ ނަމަކަށް ކިޔާ މި ޔޮޓް އދ. އަތޮޅުގެ ފަރަކަށް އަރާފައިވަނީ މި އަހަރުގެ އޭޕްރިލް މަހުގެ 28 ވަނަ ދުވަހުއެވެ. އަދި ޖެހިގެން އައި ދުވަހު ޔޮޓް ވަނީ ފަރުމަތިން ނަގާފައެވެ.
ފަރަށް ލިބުނު ގެއްލުން ބެލުމަށް ޖޫން މަހުގެ 4 ވަނަ ދުވަހު އުޅަނދުގެ ވެރިފަރާތާއި އީޕީއޭއާއި ގުޅިގެން ވަބީ ސަރވޭ އެއް ކޮށްފައެވެ. މި ސަރވޭއިން ބެލި ބެލުމުން އެ ފަރުގެ 187 އަކަމީޓަރުގެ ސަރަހައްދަކަށް ވަނީ ބޮޑެތި ގެއްލުންތަކެއް ވެފައެވެ. އަދި މި ގެއްލުމުގެ ބަދަލުގެ ގޮތުގައި 4,889,450 ރ. ދައްކަންޖެހޭ ކަމަށް އީޕީއޭއިން ވަނީ ނިންމާފައެވެ.
މި މައްސަލައިގައި ޖޫރިމަނާކޮށްފައި ވަނީ ޔޮޓު ރަޖިސްޓްރީކޮށްފައިވާ ކުންފުނި، ޓެމްޕަލް މެރިން އެލްޓީޑީ އެވެ. މިމަހުގެ 4 ވަނަ ދުވަހުން ފެށިގެން 30 ދުވަހުގެ ތެރޭގައި ޖޫރިމަނާ ފައިސާ އީޕީއޭއަށް ދައްކަން ޖެހޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %