މަހެއްހާ ދުވަހުގެތެރޭގައި ސީދާ އައްޑޫއިން މަސް އެކްޕޯޓު ކުރަން ފަށޭނެ: މިފްކޯ
Read Time:2 Minute, 25 Second
ސީދާ އައްޑޫއިން މަސް އެކްސްޕޯޓު ކުރަން މަސައްކަތް ކުރަމުންދާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ލިމިޓެޑް (މިފްކޯ) އިން ބުނެފިއެވެ.
މިފްކޯއިން ނެރުނު ބަޔާނެއްގައި ބުނީ، އައްޑޫ އަތޮޅުން ގަންނަ މަސް، ހުވަދު އަތޮޅަށް ގެންދިޔުމުގެ ބަދަލުގައި، ސީދާ އައްޑޫ އަތޮޅުން އެކްސްޕޯޓް ކުރުމުގެ މަސައްކަތް ކުރިއަށް އޮތް މަސްދުވަހުގެ ތެރޭގައި ފެށުމަށް ރޭވިފައިވާ ކަމަށެވެ. އަދި އައްޑޫގައި މަހަށް އަގު އެއް ކުރުމުގެ މަސައްކަތްތައް މި އަހަރުގެ ތެރޭގައި ފެށުމަށް ހަމަޖެހިފައިވާ ކަމަށް މިފްކޯއިން ބުނެފައިވެއެވެ.
މިހާރު އައްޑޫއިން ގަންނަ މަސް އެކްސްޕޯޓުކުރުމަށް ގެންދަނީ ހުވަދު އަތޮޅު ކޫއްޑޫ މަސް ފެކްޓަރީ އަށެވެ. އައްޑޫ ފިޝަރީޒް ކޮމްޕެލްކްސް ތަރައްގީކޮށް، ސީދާ އައްޑޫއިން މަސް އެކްސްޕޯޓް ކުރެވެން ފެށުމާއެކު މި ސަރަހައްދުގެ މަސްވެރިންނަށް މަސް ވިއްކުމުގައި ގިނަ ލުއިތަކެއް ލިބޭނެއެވެ.
މިފްކޯއިން ބުނީ މަސްވެރިކަމުގެ ދާއިރާ ކުރިއަރުވަން މިވަގުތު ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން މަސް ގަތުމާއި ރައްކާކުރުމުގެ ގާބިލުކަން އިތުރުކުރުމާއި، ގަންނަ މަހަށް ރާއްޖޭގައި ވެލިޔު އެޑްކުރުމުގެ ގާބިލުކަން ކުރިއެރުވުމަކީސަރުކާރާއި މިފްކޯގެ އެންމެ މުހިންމު އެއް އަމާޒު ކަމަށް އެކުންފުނިން ބުންޏެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %