އިތުރު 7 އެއަރލައިނެއްގެ އޮޕަރޭޝަންތައް އައު ޓަރމިނަލަށް މިމަހު ބަދަލުކުރެވޭނެ
Read Time:2 Minute, 15 Second
މިމަހުގެ ތެރޭގައި ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ގެ އައު ޕަސެންޖަރ ޓަރމިނަލަށް އިތުރު 7 އެއަރލައިނެއްގެ އޮޕަރޭޝަންތައް ބަދަލުކުރުމާއި ގުޅޭ މަޝްވަރާތައް ކުރަމުންދާކަމަށް މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
އެމްއޭސީއެލުން ބުނެފައިވަނީ އެކުންފުނީގެ ސްޓޭކްހޯލްޑަރުންނާއި އެއަރލައިން ޕާޓްނަރުންނާއެކު ބޭއްވި ބައްދަލުވުމުގައި އިތުރު 7 އެއަރލައިނެއްގެ އޮޕަރޭޝަންތައް އައު ޓަރމިނަލަށް ބަދަލުކުރުމާ ގުޅޭގޮތުން މަޝްވަރާތައް ކުރެވިފައިވާ ކަމަށެވެ. އެގޮތުން އައު ޓަރމިނަލް ބޭނުން ކުރުމަށް ހަމަޖައްސަން މަޝްވަރާކޮށްފައިވާ އެއަރލައިން ތަކަކީ އި ޗޮންޖިން އެއާލައިންސް، ބިއޯންޑް، ޒިއަމެން އެއާ، އޮމާން އެއާ، ފިޓްސް އޭވިއޭޝަން، ޔޫއެސް ބަންގްލާ އެއާލައިންސް، އެއާ އަރަބިއާ، ބެންކޮކް އެއާވޭސް އަދި ބެޓިކް އެއާވޭސް އެވެ.
އެމްއޭސީއެލް އިން މިހާރުވަނީ މި އެއަރލައިން ތަކަށް އައު ޓަރމިނަލަށް ބަދަލުވުމުގެ ޕްރޮސެސްއާއި އޮޕަރޭޝަންތައް ފުރިހަމައަށް ގެންދެވޭނެ ގޮތުގެ މައުލޫމާތު ދީފައެވެ.
އައު ޕެސެންޖަރ ޓަރމިނަލުން މިހާރު ހިދުމަތް ދެމުންދަނީ ހަމައެކަނި ގައުމީ އެއަރލައިން މޯލްޑިވިއަންގެ ފްލައިޓް ތަކަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %