ތުރުކީ ސަރުކާރުން ހަދިޔާކުރި ބޮޑު އަސްކަރީ މަނަވަރު އެމްއެންޑީއެފްއާ ހަވާލުކޮށްފި
Read Time:2 Minute, 16 Second
ތުރުކީ ސަރުކާރުގެ ހިލޭ އެހީގެ ގޮތުގައި ރާއްޖެއަށް ހަދިޔާކުރި މަނަވަރު ރާއްޖެ ގެނެސް، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އާއި ރަސްމީކޮށް ހަވާލުކޮށްފިއެވެ.
މި މަނަވަރު ދިވެހި ސިފައިންނާއި ރަސްމީކޮށް ހަވާލުކުރީ ހުޅުމާލޭގެ އެމްޕީއެލް ސަރަހައްދުގައި ރޭ ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު އާއި، ތުރުކީ ނޭވީގެ އިސް ބޭފުޅުން ބައިވެރިވެވަޑައިގެންނެވިއެވެ.
މި ރަސްމިއްޔާތުގައި ވާހަކަދައްކަވަމުން ޗީފް އޮފް ޑިފެންސް ފޯސް މޭޖަރ ޖެނެރަލް އިބްރާހިމް ހިލްމީ ވިދާޅުވީ، މި މަނަވަރަކީ އަސްކަރިއްޔާގެ ކޯސްޓު ގާޑަށް އިތުރުވާ އެންމެ ބޮޑު އުޅަނދުކަމަށާއި، މި މަނަވާރާއެކު ދިވެހި އަސްކަރިއްޔާގެ ކަނޑުގެ ލަޝްކަރުގެ ބާރު އެތައް ގުނައެއް އިތުރުވާނެ ކަމަށެވެ. އަދި މިއީ ދިވެހި އަސްކަރިއްޔަ ތަރައްގީކުރުމަށް ރައީސް ވެވަޑައިގެންފައިވާ ވައުދުފުޅު ފުއްދަވާކަން ހާމަވާ ކަމެއް ކަމަށް ވެސް ހިލްމީ ވިދާޅުވިއެވެ.
ތުރުކީން ރާއްޖެއަށް ހަދިޔާކޮށްފައިވަނީ ޑޯގަން ކްލާސް ”ޓީސީޖީ ވޮލްކަން (ޕީ-343)“ ނަމަކަށް ކިޔާ މަނަވަރެކެވެ. މި މަނަވަރު ރޭ ކޮމިޝަން ކޮށްފައި ވަނީ ”ދަރުމަވަންތަ“ ނަން ދިނުމަށް ފަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %