ރަސްމާލެ މަޝްރޫއުގެ ދަށުން މިހާތަނަށް 129 ހެކްޓަރުގެ ބިން ހިއްކައިފި
Read Time:2 Minute, 27 Second
ރަސްމާލެ މަޝްރޫއުގެ ދަށުން މިހާތަނަށް 129 ހެކްޓަރުގެ ބިން ހިއްކައިފި އެވެ.
ބޯހިޔާވަހިކަމުގެ މައްސަލައަށް ހައްލެއް ގެނައުމަށް ސަރުކާރުން ކުރިއަށްގެންދާ މި މަޝްރޫއުގެ ދަށުން ޖުމްލަ 1153 ހެކްޓަރުގެ ބިން ހިއްކުމަށްވަނީ ހަމަޖެހިފައެވެ.
އެޗްޑީސީން ބުނީ 2023 ވަނަ އަހަރު މި މަސައްކަތް ފެށިފަހުން، މި މަޝްރޫއުގެ ދަށުން މިހާތަނަށް 129 ހެކްޓަރުގެ ބިން ހިއްކާފައިވާކަމަށެވެ. މިއީ މި މަޝްރޫއުގެ ބިން ހިއްކުމުގެ 11 އިންސައްތައެވެ.
”ރަސްމާލެ“ އަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ސަރުކާރުން ހިންގާ އެންމެ ބޮޑު އެއް ޕްރޮޖެކްޓް އެވެ. މި ޕްރޮޖެކްޓް އަކީ ރާއްޖެއަށް ކުރިމަތިވެފައިވާ ބޯހިޔާވަހިކަމުގެ މައްސަލައަށް ހައްލެއް ހޯދައިދިނުމަށް ސަރުކާރުން ހިންގާ ޕްރޮޖެކްޓް އެކެވެ. ސަރުކާރުން އަންނަނީ މި މަސައްކަތް އަވަސް ކުރުމަށް ގިނަ މަސައްކަތްތަކެއް ކުރަމުންނެވެ.
ރައީސް ވަނީ މިއަހަރުގެ ޖެނުއަރީ މަހު ސައްކަތް އަވަސްކުރުމަށް އިތުރު ޑްރެޖަރުތައް ހޯދާ އެމަސައްކަތް އަވަސްކުރައްވާނެކަމަށް ވިދާޅުވެއެފެވެ. ރަސްމާލޭގެ ބިން ހިއްކުމުގެ މަސައްކަތް ހަވާލުކޮށްފައިވަނީ ކެޕިޓަލް މެރިން އެންޑް ސިވިލް ކޮންސްޓްރަކްޝަން އަދި މޯހަން މުތާ އެކްސްޕޯރޓްސްއާއެވެ.
ރަސްމާލޭގެ މަސައްކަތް ނިމުމުން 65000 ގެދޮރު ޔަގީންވާނެކަމަށް ސަރުކާރުން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %