ޖަޕާން ސަރުކާރުން ދިވެހި ފުލުހުންގެ ހިދުމަތަށް ފަސް ލޯންޗު ހަދިޔާކޮށް
Read Time:2 Minute, 31 Second
ޖަޕާން ސަރުކާރުން ދިވެހި ފުލުހުންގެ ހިދުމަތަށް ފަސް ލޯންޗު މިއަދު ހަދިޔާކޮށްފިއެވެ.
މި ލޯންޗުތައް ހަދިޔާކުރީ މިއަދު ދޫނިދޫގައި ބޭއްވި ހާއްސަ ރަސްމިޔާތެއްގައެވެ. ރަސްމިޔާތުގައި ފުލުހުންގެ ފަރާތުން މި އުޅަނދުތަކާ ހަވާލުވެލެއްވީ ކޮމިޝަނަރ އޮފް ޕޮލިސް އިސްމާއީލް ނަވީން އެވެ. އަދި ޖަޕާން ސަރުކާރުގެ ފަރާތުން މި އުޅަނދުތައް ހަވާލުކޮށްދެއްވީ ރާއްޖޭގައި ހުންނަވާ ޖަޕާންގެ ސަފީރު އިޝިގާމީ ރުމިކޯ އެވެ.
މި ރަސްމިއްޔާތުގައި ވާހަކަފުޅު ދައްކަވަމުން ސީޕީ ނަވީން ވަނީ ޖަޕާން ސަރުކާރުގެ ފަރާތުން ދިވެހި ފުލުހުންގެ ހިދުމަތަށްވެދެއްވި އެހީތެރިކަމާއި އެކިގޮތްގޮތުން ވެދެއްވާ އެހީތެރިކަން ފާހަގަކުރައްވައި ޝުކުރު އަދާކުރައްވާފައެވެ. އަދި މި އުޅަނދުތަކާއެކު ކަނޑުމަތީގައި ފުލުހުންގެ ގާބިލުކަން ވަރަށް ބޮޑަށް އިތުރުވެގެންދާނެ ކަމަށް ނަވީން ވިދާޅުވިއެވެ.
މި ރަސްމިއްޔާތުގައި، ޖަޕާނުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު އިޝިގާމީ ރުމިކޯ ދެއްކެވި ވާހަކަފުޅުގައި ވިދާޅުވީ މި ލޯންޗްތައް ހަދިޔާކުރުމުގެ މަގްސަދަކީ ދިވެހި މެރިން ޕޮލިސްގެ ގާބިލިއްޔަތު އިތުރުކޮށް، ކަނޑުމަތީގައި ގާނޫނު ތަންފީޒުކުރުމަށް އެހީތެރިވެދިނުންކަމަށެވެ.
ޖަޕާން ސަރުކާރުން ވަނީ މިދިޔަ އަހަރުގެ ޖުލައި 14 ވަނަ ދުވަހު ދިވެހި ފުލުހުންނަށް 54 ކާރާއި ހަތަރު ވޭން ވެސް ހަދިޔާކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %