ހަަމަނުޖެހުން ހިންގަން ހިތްވަރު ދިން ކަމުގެ ތުހުމަތުގައި މީހަކު ހައްޔަރުކޮށްފި
Read Time:1 Minute, 41 Second
ހަމަނުޖެހުން ހިންގަން ސޯޝަލް މީޑިއާގައި ހިތްވަރު ދިން ކަމުގެ ތުހުމަތުގައި މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ ސ،ހިތަދޫ، އަތަމާވިލާ އުމުރުން 29 އަހަރުގެ އަލީ އާނިމް މުފީދެވެ. އޭނާ ހައްޔަރުކޮށްފައިވަނީ ރޭ ކޯޓު އަމުރެއްގެ ދަށުންނެވެ.
ފުލުހުން ބުނީ އޭނާ ހައްޔަރުކުރީ މޯލްޑިވްސް މީޑީއާ އެންޑް ބްރޯޑްކާސްޓިން ރެގިއުލޭޝަން ބިލާ ގުޅިގެން އިހުތިޖާޖު ކުރާ ފަރާތްތަކަށް ހަމަނުޖެހުން ހިންގަން ހިތްވަރު ލިބޭ ގޮތަށް އެކްސްގައި ޕޯސްޓްތަކެއް ކުރުމުން ކަމަށެވެ.
އެގޮތުން އޭނާގެ މައްޗަށް ވަނީ ޓެރަރިޒަމަށް ހިތްރުދިނުމާއި، އޭގެ މައުލޫމާތު ފެތުރުމުގެ ތުހުމަތު ކޮށްފައެވެ. އަދި އާންމު މަސްލަހަތަށް ގެއްލުން ހުރި އަމަލެއް ކުރުމާއި، ކުށެއް ކުރަން އުޅުން ކަމުގެ ތުހުމަތު ވެސް އޭނާގެ މައްޗަށް ކޮށްފައިވެއެވެ.
ފުލުހުން އަންނަނީ މިމައްސަލަ އިތުރަށް ބަލަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %