މިދިޔަ ޖޫންމަހު ދައުލަތުގެ އާމްދަނީއަށް 2.9 ބިލިއަން ރުފިޔާ
Read Time:2 Minute, 0 Second
މިއަހަރުގެ ޖޫން މަހު ސަރުކާރަށް އާމްދަނީގެ ގޮތުގައި 2.9 ބިލިއަން ރުފިޔާ ލިބިފައިވާ ކަމަށް މިނިސްޓްރީ އޮފް ފިނޭންސް އެންޑް ޕްލޭނިންގ އިން ތަފާސް ހިސާބުން ދައްކައިފި އެވެ.
އެ މިނިސްޓްރީން އާންމު ކުރި ”މަންތްލީ ފިސްކަލް ޑިވެލޮޕްމެންޓް“ އިން ދައްކައި ގޮތުގައި އަހަރުގެ ޖޫން މަހު ދައުލަތަށް 2.9 ބިލިޔަން ރުފިޔާގެ އާމްދަނީއެއް ވަނީ ލިބިފައެވެ. ދައުލަތަށް ލިބިފައިވާ އާމްދަނީގެ އެންމެ ބޮޑު ބަޔަކީ ޓެކްސްގެ ގޮތުގައި ލިބުނު އާމްދަނީއެވެ. އެގޮތުން ޖޫންމަހު ޓެކްސްގެ ގޮތުގައި ދައުލަތަށް 2.1 ބިލިޔަން ރުފިޔާ ލިބިފައިވެއެވެ.
ޓެކްސް ނޫން އާމްދަނީގެ ގޮތުގައި ދައުލަތަށް 844 މިލިޔަން ރުފިޔާ ލިބިފައިވާއިރު، ހިލޭ އެހީގެ ގޮތުގައި ވަނީ ދައުލަތަށް 42.5 މިލިޔަން ރުފިޔާ ވަނީ ލިބިފައެވެ.
މިދިޔަ ޖޫން މަހުގެ ޖުމްލަ އަދަދަށް ބަލާއިރު މިއީ މިދިޔަ އަހަރުގެ ޖޫން މަހާއި އަޅާ ބަލައި 16.6 އިންސައްތަ އިތުރު އަދަދެކެވެ. އާމްދަނީގެ އިތުރުވުމާއެކު ސޮވެރިންގ ޑިވެލޮޕްމަންޓް ފަންޑަށް ޖަމާކުރި ފައިސާގެ އަދަދުވެސް މިދިޔަ ޖޫން މަހު ވަނީ އިތުރުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %