ހަނިފަރުބޭ ހިމާޔަތް ކުރަން ގޮވާލުމުން ދޮންފަނު ބިން ނުހިއްކަން ނިންމައިފި
Read Time:4 Minute, 8 Second
ބ. ދޮންފަނުގައި ބިން ހިއްކުމުގެ މަޝްރޫޢު ކުރިއަށް ނުގެންދާނެ ކަމަށް ރައީސް ޑރ. މުހައްމަދު މުއިއްޒު މިއަދު ނިންމަވައިފިއެވެ.
ނިންމެވީ، އެ މަޝްރޫޢުގެ ސަބަބުން އެރަޝާއި ޖެހިގެން އޮންނަ ހަނިފަރު ބޭއަށް ގެއްލުންވާނެ ކަމުގެ ކަންބޮޑުވުން ފާޅުކޮށް، އެތައް ބަޔަކު އެކަމާ ދެކޮޅަށް އަޑު އުފުލަމުން އަންނަނިކޮށެވެ.
ރައީސް ވަނީ އެކަމަށް ވައުދުވެ އެއްބަސްވުމެއްގައި ސޮއިކުރައްވާފައިވީ ނަމަވެސް، އެ މަޝްރޫޢު ކުރިއަށް ނުގެންދަން ރައްޔިތުން ބޭނުންވާކަން މިހާރު އެނގިފައިވާ ކަމަށް ވިދާޅުވެފައެވެ. އަދި މިިކަން ދޮންފަނު ކައުންސިލަށް ރަސްމީކޮށް އަންގަވާނެ ކަމަށް ވެސް ރައީސް ވިދާޅުވިއެވެ.
”އަޅުގަނޑު ރަށްރަށުގައި ކުރާނެ ކަންކަމާބެހޭ ވަޢުދު ވަނީ އެ ރަށެއްގެ ރައްޔިތުންގެ ފަރާތުން އެކަމަކަށް އެދިގެން. ރަށްޔިތުން ބޭނުން ނުވާ ކަމެއް އެ ރަށެއްގައި މި ސަރުކާރުން ނުކުރާނެ. މީ ރައްޔިތުންނާ ގާތުން މަސައްކަތްކުރާ , ރައްޔިތުން އެދޭ އަމާޒަށް މަސައްކަތް ކުރާ ސަރުކާރެއް. މިގޮތުން ބ.ދޮންފަނުގެ ރައްޔިތުންގެ އެދުމުގެ މަތީން އެ ރަށުގައި ބިން ހިއްކުމުގެ މަޝްރޫޢެއް ހިންގަން ވަޢުދު ވިން. އަދި އެ ވަޢުދު ފުއްދުމަށް އެގްރީމެންޓް ގައި ސޮއި ކުރިން. ނަމަވެސް، ރައްޔިތުން އެކަން މިހާރު ބޭނުން ނުވާ ކަމަށް އަޅުގަނޑަށް ރައްޔިތުންގެ ފަރާތުން މަޢުލޫމާތު ލިބިފައިވަނީ. އެހެން ކަމުން، އެރަށުގެ ބިން ހިއްކުން ސަރުކާރުން ކުރިޔަށް ނުގެންދާނެ ވާހަކަ ދަންނަވަން. އަދި ރަސްމީކޮށް ކައުންސިލަށް މިއަދު ސިޓީއިން ކަމާބެހޭ ވުޒާރާއިން އެކަން އަންގާނެ ވާހަކަ ދަންނަވަން.“ ރައީސް އެކްސްގައި ކުރެއްވި ޕޯސްޓެއްގައި ވިދާޅުވިއެވެ.
ދޮންފަނުގައި 13 ހެކްޓަރުގެ ބިން ހިއްކަން ސަރުކާރުން އެމްޓީސީސީއާ ހަވާލުކުރުމާ ގުޅިގެން، ތިމާވެށި ހިމާޔަތްކުރުމަށް މަސައްކަތްކުރާ ފަރާތްތަކުން ވަނީ ކަންބޮޑުވުން ފާޅުކޮށްފައެވެ. މި މަޝްރޫއު ހުއްޓާލަން ގޮވާލައި މިހާތަނަށް 5,000 އަށް ވުރެ ގިނަ މީހުން ވަނީ ޕެޓިޝަނެއްގައި ސޮއިކޮށްފައެވެ.
ހަނިފަރުބޭ އަކީ ޔުނެސްކޯގެ ބ. އަތޮޅު ބައޮސްފިއަރގެ ހިމާޔަތްކޮށްފައިވާ ސަރަހައްދެކެވެ. މި ސަރަހައްދަކީ ކޮންމެ އަހަރަކުވެސް އެތައް މެންޓާ ރޭ އެއް ފީޑް ކުރަން އަންނަ ސަރަހައްދެކެވެ. މިއީ ހަމައެކަނި ދުނިޔޭގައި މިގޮތަށް މެންޓާ ރޭ އެއްވާ ސަރަހައްދެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %