އ.ދ. ޢާންމު މަޖިލީހުން ފަލަސްތީން ދައުލަތަކަށް ތާއީދުކޮށް ބޮޑު އަޣުލަބިއްޔަތަކުން ޤަރާރެއް ފާސްކޮށްފި
Read Time:2 Minute, 9 Second
އ.ދ. ޢާންމު މަޖިލީހުން، އިސްރާއީލާއި ފަލަސްތީނާ ދެމެދު ދެ ދައުލަތުގެ ހައްލެއް ޤާއިމުކުރުމަށް ތާއީދުކުރާ ޤަރާރަކަށް ބޮޑު އަޣުލަބިއްޔަތަކުން ފާސްކޮށްފިއެވެ.
މި ޤަރާރު ފާސްކޮށްފައިވަނީ ހުކުރު ދުވަހު އ.ދ ގައި ބޭއްވި އާންމު މަޖިލިސްގެ ޖަލްސާއެއްގައެވެ. މި ޖަލްސާގައި އިސްރާއީލާއި ފަލަސްތީނާ ދެމެދު ދެ ދައުލަތުގެ ހައްލެއް ޤާއިމުކުރުމަށް ގައުމަތަކުން ވޯޓް ދިނީ އިސްރާއީލުގެ ބޮޑުވަޒީރު ބެންޖަމިން ނެތަންޔާހޫ، ފަލަސްތީން ދައުލަތެއް ދުވަހަކުވެސް ޤާއިމުނުވާނެ ކަމަށް ވިދާޅުވިތާ 24 ގަޑިއިރު ވެސް ނުވަނީސް އެވެ.
”ނިއުޔޯކް ޑިކްލަރޭޝަން“ ގެ ނަމުން ނަންދެވިފައިވާ މި ޤަރާރަށް ތާއީދުކޮށް 142 ޤައުމުން ވަނީ ވޯޓް ދީފައެވެ. އިސްރާއީލާއި އެ ޤައުމުގެ އެންމެ ގާތް އެކުވެރިޔާ އެމެރިކާއާ ހިމެނޭހެން 10 ޤައުމަކުން ވަނީ ދެކޮޅު ހަދާފައެވެ. އަދި 12 ޤައުމަކުން ވޯޓް ނުދެއެވެ.
ހަތް ސަފްހާގެ މި ލިޔުން އ.ދ. ޢާންމު މަޖިލީހަށް ހުށަހަޅާފައިވަނީ ފަރަންސޭސިވިލާތާއި ސަޢޫދީ ޢަރަބިއްޔާއިންނެވެ. މި ޤަރާރުން ގޮވާލަނީ ”ޣައްޒާގައި ހިނގަމުންދާ ހަނގުރާމަ ނިމުމަކަށް ގެނައުމަށް، ދެ ދައުލަތުގެ ހައްލު ފުރިހަމައަށް ތަންފީޒުކުރުމުށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %