މީޑިއާ ރެގިއުލޭޝަންގެ ބިލު މަޖިލީހުން ފާސްކޮށްފި
Read Time:2 Minute, 39 Second
މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލު މަޖިލީހުގެ ތަޅުމުން ފާސްކޮށްފިއެވެ.
ތުޅާދޫ ދާއިރާގެ އަމިއްލަ މެންބަރު ޢަބްދުލްޙަންނާން އަބޫބަކުރު ހުށަހެޅުއްވި މި ބިލުގައި ކަންބޮޑުވުންތަކެއް ހުރިކަމަށް ފާހަގަކޮށް، ސަރުކާރުން ހުށަހެޅުއްވި އިސްލާހުތައް ހިމަނައި އިއްޔެ ވަނީ މި ބިލު މަޖިލީހުގެ މިނިވަން މުއައްސަސާތަކުގެ ކޮމިޓީން ފާސްކޮށްފައެވެ. އަދި ކޮމިޓީން ފާސްކުރުމަށް ފަހު މި ބިލު ވަނީ 60 މެމްބަރުންގެ ވޯޓާއެކު މަޖިލީހުގެ ތަޅުމުގައި ވެސް ފާސްކޮށްފައެވެ. ބިލު ފާސްކުރަން ނުފެންނަކަމަށް ވޯޓު ދެއްވީ އެންމެ މެމްބަރެކެވެ.
ދައުރުން ބޭރުގައި މަޖިލީހުގެ ޖަލްސާއެއް ތާވަލްކޮސް އިއްޔެ ބޭއްވިއިރު، އެސަރަހައްދުގައި ބައެއް ނޫސްވެރިންނާއި އާންމު ރައްޔިތުންނާއި، އިދިކޮޅު ފަރާތްތަކުން ވަނީ ބިލާ ދެކޮޅަށް މުޒާހަރާ ކޮށްފައެވެ. އެމީހުން މި ބިލު ސިފަކޮށްފައިވަނީ މި ބިލަކީ މިނިވަން މީޑިއާ ނައްތާލާ، ސޯޝަލް މީޑިއާވެސް ކޮންޓްރޯލް ކުރުމަށް އޮތް ބިލެއްގެ ގޮތަށެވެ. އަދި އެސަރަހައްދަށް ބިލައް ތާއީދުކުރާ ބަޔަކުވެސް ވަނީ އެއްވެ އަޑު އުފުލާފައެވެ.
މަޖިލީހުގައި ބަހުސް ކުރިއަށް ދިޔަ ވަގުތު، މަޖިލިސް ތެރެ ހޫނުވެ ބައެއް މެންބަރުންގެ ވަނީ ނަން އިއްވާފައެވެ. އެގޮތުން ޝަމްހީދު، މުހައްމަދު އިބްރާހިމް، މައުރޫފު ޒާކިރު، އިބްރާހިމް ނާޒިލް، މީކާއިލް ނަސީމް، ހުސައިން ޒިޔާދު، އަދި ނިއުޝާދުގެ ނަން ވަނީ ރިޔާސަތުން އިއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %