އެއަރ އިންޑިއާގެ މަތިންދާބޯޓު ވެއްޓުން: މަރުވި މީހުންގެ އާއިލާތަކުން ބޮއެންގ އާއި ހަނީވެލް އަށް ދައުވާކޮށްފި
Read Time:3 Minute, 6 Second
މިދިޔަ ޖޫން މަހު ހިނގި އެއަރ އިންޑިއާ ފްލައިޓް 171 ކްރޭޝްގައި މަރުވި ހަތަރު މީހެއްގެ އާއިލާއިން ބޮއެންގ އާއި ހަނީވެލް އަށް ދައުވާކޮށްފިއެވެ.
މި ދައުވާ އަކީ މަތިންދާބޯޓު އުފެއްދި ކުންފުނި ބޮއެންގ އާއި، އެ މަތިންދާބޯޓަށް ބައެއް ވަސީލަތްތައް ފޯރުކޮށްދިން ހަނީވެލް ކުންފުނީގެ މައްޗަށް ކުރި ދައުވާއެކެވެ. އާއިލާތަކުން ބުނާ ގޮތުގައި، ކޮކްޕިޓްގައި ހުންނަ ”ފިއުލް ކަޓްއޮފް ސްވިޗް“ ތަކުގެ ޑިޒައިނަކީ ރައްކާތެރި ނޫން ޑިޒައިނެކެވެ. މި ސްވިޗްތަކުން ކޮންޓްރޯލް ކުރަނީ އިންޖީނަށް ތެޔޮ ފޮނުވުމުގެ މަސައްކަތެވެ.
ދައުވާގައި ބުނެފައިވަނީ، މި ސްވިޗްތައް ހަރުކޮށްފައި ހުރީ ކޮކްޕިޓްގެ އާންމު ހަރަކާތްތަކުގެ ތެރޭގައި އޮޅިގެން އަތްލެވި، ތެޔޮ ކެނޑި، އެކްސިޑެންޓެއް ހިނގުމުގެ ފުރުސަތު ބޮޑުވާނެ ގޮތަކަސް ކަމަށެވެ.
އެމެރިކާގެ އޭވިއޭޝަން ރެގިއުލޭޓަރ، އެފް.އޭ.އޭ. (FAA) އިން ވަނީ، މި ސްވިޗްތަކަކީ ކްރޭޝްގެ ސީދާ ސަބަބެއް ކަމަކަށް ނުދެކޭ ކަމަށް ކުރިން ބުނެފައެވެ. ނަމަވެސް، އާއިލާތަކުގެ ވަކީލުން ބުނަނީ، މި ޑިޒައިނަކީ ނުރައްކާތެރި ޑިޒައިނެއް ކަމަށާއި، ކްރޭޝްގައި އެ ޑިޒައިންގެ ދައުރެއް ވެސް އޮވެދާނެ ކަމަށެވެ.
މި ކަމާ ގުޅިގެން އިންޑިއާގައި ކުރެވުނު ތަހުގީގަކުން ސްވިޗްތަކުގެ ލޮކިންގ ސިސްޓަމް ބަދަލު ކުރުމަށް 2018 ވަނަ އަހަރު ދީފައިވާ ހުށަހެޅުމަކަށް އެއަރ އިންޑިއާއިން އަމަލުކޮށްފައި ނުވާކަން ވަނީ ހާމަވެފައެވެ. މީގެ އިތުރުން، އެ ސްވިޗްތައް ހިމެނޭ ތްރޮޓްލް ކޮންޓްރޯލް މޮޑިއުލް 2019 ވަނަ އަހަރާއި އަދި 2023 ވަނަ އަހަރުވެސް ބަދަލުކޮށްފައިވާ ކަން ރެކޯޑްތަކުން ދައްކައެވެ.
މި ދައުވާއާ ގުޅިގެން ބޮއެންގ އާއި ހަނީވެލް އިން އަދި މިހާތަނަށް އެއްވެސް ބަހެއް ބުނެފައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %