މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލު ތަސްދީގުކުރައްވައިފި
Read Time:2 Minute, 20 Second
މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލު މިއަދު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަސްދީގުކުރައްވައިފި އެވެ.
މި ބިލު ތަސްދީގުކުރެއްވުމާއެކު މިހާރު މީޑިއާ ރެގިއުލޭޓް ކުރުމުގެ އައު ގާނޫނަށް އަމަލު ކުރަން ފަށާނެއެވެ. މި ގާނޫނުގެ މަގްސަދަކީ ދޮގު ހަބަރު ފެތުރުން ހުއްޓުވުވައި، ޒިންމާދާރު ކަމާއެކީ ނޫސްވެރިކަން ކުރުވަން ކަމަށް ސަރުކާރުން ބުނެފައިވެއެވެ. މި ބިލު ރައްޔިތުންގެ މަޖިލީހަށް ހުށަހެޅުއްވީ ތުޅާދޫ ދާއިރާގެ އަމިއްލަ މެންބަރު ޢަބްދުލްޙަންނާން އަބޫބަކުރެވެ.
ރައީސް މިއަދު މި ބިލް ތަސްދީގުކުރެއްވި އިރު މި ބިލު ތަސްދީގު ނުކުރުމަށް ގިނަ ޖަމިއްޔާތަކަކުން ވަނީ ގޮވާލައިފައެވެ. އަދި މި ބިލު މަޖިލީހަސް ހުށަހެޅުއްވި ދުވަހުން ފެށިގެން ގިނަ ނޫސްވެރިން ވަނީ މި ބިލާ ދެކޮޅަށް އަޑު އުފުލަން ފަށާފައެވެ. އަދި މި ބިލަކީ މިނިވަން މީޑިއާ ނައްތާލާ، ސޯޝަލް މީޑިއާވެސް ކޮންޓްރޯލް ކުރުމަށް އޮތް ބިލެއް ކަމަށް އެމީހުން ބުނެފައިވެއެވެ.
މި އައު ގާނޫނުގެ ދަށުން މިހާރު އޮތް މޯލްޑިވްސް މީޑިއާ ކައުންސިލު އުވުނީއެވެ. އަދި މޯލްޑިވްސް ބްރޯޑްކާސްޓިންގ ކޮމިޝަން އައު ގާނޫނުގެ ދަށުން އުފައްދާ ”މޯލްޑިވްސް މީޑިއާ އެންޑް ބްރޯޑްކާސްޓިންގ ކޮމިޝަން“ އަށް ބަދަލުވީއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %