ފޮޓޯ: އޭއެފްޕީ
އިސްރާއީލުން ފްލޮޓިއްލާއަށް ހަމަލާ ދޭން ފެށުމުން އިިޓަލީއާއި ސްޕެއިންގެ މަނަވަރު ފޮނުވައިފި
Read Time:3 Minute, 22 Second
އިސްރާއީލުން ޣައްޒާ ބަނޑައް ޖައްސައި، ކަނޑު މަގާއި އެއްގަމު މަގުތައް ބަންދު ކޮށްފައި އޮތުމާއެކު، ކަނޑުމަގުން އެހީ ހިފައިގެން ދާ ”ގްލޯބަލް ސުމޫދު ފްލޮޓިލާ“އަށް އިސްރާއީލުން ހަމަލާދޭތީ، ސަލާމަތީ ރައްކާތެރިކަން ދިނުމަށް އިޓަލީއާއި ސްޕެއިންގެ ކަނޑުގެ ސިފައިން މަނަވަރު ފޮނުވައިފިއެވެ.
ގާތްގަނޑަކަށް 50 ކަނޑުއުޅަނދު ހިމެނޭ ”ގްލޯބަލް ސުމޫދު ފްލޮޓިލާ“ގެ އަމާޒަކީ އިސްރާއީލުން ބަންދުކޮށްފައިވާ ކަނޑުގެ ސަރަހައްދު ފޫއަޅުވާލައި ޣައްޒާއަށް އެހީ ފޯރުކޮށްދިނުމެވެ. ފްލޮޓިލާގައި ގިނަ ޤާނޫނީ ވަކީލުންނާއި، ސިޔާސީ މީހުންނާއި، ތަރިންނާއި، އަދި މަޝްހޫރު އެކްޓިވިސްޓް ގްރޭޓާ ތުންބާގް ވެސް ހިމެނެއެވެ.
އިޓަލީން ވަނީ އެގައުމުގެ އެއް ހަނގުރާމަ މަތީ މަނަވަރު ފޮނުވާފައިވާއިރު، ދެވަނަ ބޯޓެއް ފޮނުވުމަށް ތައްޔާރުވަމުންނެވެ. އިޓަލީގެ ދިފާޢީ ވަޒީރު ގުއީޑޯ ކްރޮސެޓޯ ވިދާޅުވީ، އެގައުމުގެ ކަނޑުގެ ސިފައިން ފޮނުވުމުގެ މައިގަނޑު ސަބަބަކީ ފްލޮޓިލާގައި ތިބި އިޓަލީގެ ރައްޔިތުންނަށް ރައްކާތެރިކަން ދިނުން ކަމުގައެވެ. އޭނާ އިތުރަށް ވިދާޅުވީ، މިއީ އިންސާނިއްޔަތަށްޓަކައި ކުރާ ކަމެއް ކަމަށާއި، މިއީ ހަމަލާއެއް ނުވަތަ ހަނގުރާމައެއްގެ ޢަމަލެއް ނޫން ކަމުގައެވެ. ސްޕެއިނުން ވެސް ވަނީ އެގައުމުގެ އެއް ހަނގުރާމަ މަތީ މަނަވަރު ފޮނުވާފައެވެ.
ފްލޮޓިލާ ޣައްޒާއަށް ދިއުމަށް ދަތުރު ފެށުމާއެކު އިސްރާއީލުން ވަނީ ވަރަށް ބޮޑަށް މިކަމާއި ދެކޮޅު ހަދާފައެވެ. އިސްރާއީލުން ބުނަނީ ޣައްޒާއަކީ ހަނގުރާމަ ކުރަމުންދާ ސަރަހައްދެއް ކަމުން، އެއްވެސް އުޅަނދަކަށް އެ ސަރަހައްދަށް ވަނުމުގެ ހުއްދަ ނުދޭނެ ކަމަށެވެ.
މިހާރުވެސް އިސްރާއީލުން ވަނީ މި އުޅަނދުތަކަށް ބައެއް ޑްރޯން ހަމަލާދީފައެވެ. މި ހަމަލާތަކުގައި ބައެއް އުޅަނދުތަކަށް ގެއްލުންތަކެއް ލިބިފައިވީ ނަމަވެސް، މީހަކަށް އަނިޔާއެއް ލިބުނު ކަމުގެ ރިޕޯޓެއް އަދި ނުލިބެއެވެ.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %