ފޮޓޯ: ރައީސް އޮފީސް
އަލަށް ހެދި އެއްބަސްވުމުގައި ސޮއި ނުކުރަން ގުޅީފަޅު ރައްޔިތުންގެ އެސޯސިއޭޝަނުން އެދިއްޖެ
Read Time:3 Minute, 24 Second
ބިންވެރިޔާ ސްކީމުގެ ދަށުން ގުޅީފަޅުން ދޫކުރާ ގޯތިތަކުގެ ކުރީގެ އެއްބަސްވުން އުވާލައި، އަލަށް ހެދި އެއްބަސްވުމުގައި ސޮއި ނުކުރަން ގުޅީފަޅު ރައްޔިތުންގެ އެސޯސިއޭޝަނުން އެދިއްޖެ އެވެ.
މީގެ ކުރިން ގުޅީފަޅުން ގޯތި ލިބުނު ފަރާތްތަކަށް ވަނީ ރައީސް އިބްރާހިމް މުހައްމަދު ސާލިހްގެ ވެރިކަމުގައި ގޯތީގެ އެގްރީމެންޓް ހަދައި، ރަޖިސްޓްރީ ވެސް ހަވާލުކޮށްފައެވެ. އެހެން ނަމަވެސް މި ވެރިކަމުގައި ވަނީ ގުޅީފަޅުގެ ލޭންޑް ޔޫޒް ޕްލޭން ބަދަލުކޮށް އޭރު ހެދި އެއްބަސްވުމާއި ރަޖިސްޓްރީ ބާތިލް ކޮށްފައެވެ. އަދި މިހާރު ސަރުކާރުން ވަނީ ގޯތި ލިބުނު ފަރާތްތަކަށް އައު ރަޖިސްޓްރީ ހަވާލުކުރުމަށް އެއްބަސްވުމެއް އެކުލަވާލައި އެޕޮއިންޓްމެންޓް ހެދުމަށް ހުޅުވާލާފައެވެ.
ގުޅީފަޅު ރައްޔިތުންގެ އެސޯސިއޭޝަނުން ބޭއްވި ނޫސްވެރިންގެ ބައްދަލުވުމެއްގައި އެ އެސޯސިއޭޝަންގެ ރައީސް ޝަމްއާން ރަޝީދު ބުނެފައިވަނީ މިވަގުތުގައި މިއޮތް އެގްރީމަންޓުގައި ސޮއިކުރަން ނުދިއުމަކީ އެ އެސޯސިއޭޝަންގެ އެދުމެއް ކަމަށާއި، އެއްބަސްވުން ކުރިން އޮތް ގޮތަށް ބަދަލު ނުކުރަނީސް އެއްބަސް ވުމުގައި ސޮއި ނުކުރަން އެދޭ ކަމަށެވެ.
ކުރިން ހެދި އެއްބަސްވުމުގައި އޮންނަ ގޮތުން ގޯތި ލިބޭ ފަރާތުގެ އަމިއްލަ ނަމުގައ މާލެ ސަރަހައްދުން 600 އަކަފޫޓަށް ވުރެ ބޮޑު ބިމެއް ނުވަތަ ބޯހިޔާވެހިކަމެއް ރަޖިސްޓްރީވެފައި ނެތުމުގެ އިތުރުން މާލެ ސަރަހައްދުން އަމިއްލަ ނަމުގައި 600 އަކަފޫޓަށްވުރެ ކުޑަ ބަންޑާރަ ބިމެއް ރަޖިސްޓްރީވެފައިވާނަމަ އެތަނެއް އުސޫލާ އެއްގޮތަށް ދޫކޮށްލަން އެއްބަސްވާން ޖެހެއެވެ.
މިހާރު އަލަށް އެކުލަވާލި އެއްބަސްވުމުގައި އޮންނަނީ ގޯތި ލިބޭ ފަރާތުގެ އަމިއްލަ ނަމުގައި މާލެ ސަރަހައްދުގެ ބަދަލުގައި ރާއްޖޭގެ އެއްވެސް ސަރަހައްދަކުން ބިމެއް ނުވަތަ ތަނެއް އޮތް ކަމުގައި ވާނަމަ އެތަނެއް ދޫކޮށްލަން ޖެހޭނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %