ޒަކަރިއްޔާ ދަތުރު ކުރި ޑިންގީ ފެނިއްޖެ، ހޯދީ ކަނޑުގެ އަޑިން
Read Time:1 Minute, 49 Second
އިއްޔެ ގދ. ގައްދޫ އިން ފުރައިގެން އެއަތޮޅު ގަމަށް ޑިންގީއެއްގައި ދަތުރުކުރަނިކޮށް ގެއްލުނު، 79 އަހަރުގެ ޒަކަރިއްޔާ މުހައްމަދު ހޯދުމުގެ މަސައްކަތުގެ ތެރެއިން، އޭނާ ދުއްވި ޑިންގީ ހޯދިއްޖެއެވެ.
އެމްއެންޑީއެފްއިން ބުނީ ޒަކަރިއްޔާ ހޯދުމުގެ މަސައްކަތުގައި، މިއަދު ހެނދުނު ދެވަނަ ޑައިވެއް ކުރި ކަމަށާއި އެ ޑައިވްގައި އޭނާ ދަތުރުކުރި ޑިންގީ ފެނުނީ ގދ. ގައްދޫ އާއި ގދ. ގަމުގެ ދެމެދުން އޮންނަ ކަނޑުއޮޅީގެ 10 މީޓަރުން އަޑިން ކަމަށެވެ.
އޭނާ ދުއްވި ޑިންގީ ފެނިފައިވާއިރު، އަދިވެސް އޭނާއެއް ނުފެނެއެވެ.
އިއްޔެ ހެނދުނު ޒަކަރިއްޔާ ފުރީ ގައްދޫއާއި ޖެހިގެން އޮންނަ ގަމަށް ދިޔުމަށް ޑިންގީގައި އެކަނިއެވެ. އަދި އިއްޔެ ހަވީރު އޭނާގެ ހަބަރެއް ނުވެގެން އެމްއެންޑީއެފްގެ ކޯސްޓް ގާޑް އަށް ވަނީ ރިޕޯޓް ކޮށްފައެވެ.
ޒަކަރިއްޔާ ހޯދުމަށް އިއްޔެއިން ފެށިގެން ވަނީ ކަނޑު މަގުންނާއި ވައިގެ މަގުން ބޮޑު ސަރަހައްދެއް ބަލައިފައެވެ. އޭގެ އިތުރުން ގަމާއި ގައްދޫ ވެސް ވަނީ ބަލައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %