މާލޭގައި ނުރައްކާތެރި އެކްސިޑެންޓެއް ހިނގައި 17 އަހަރުގެ ކުއްޖެއް މަރުވެއްޖެ
Read Time:1 Minute, 48 Second
މާލޭގައި މިރޭ ބާރަށް ދުއްވި ސައިކަލެއް މަގު ހުރަސް ކުރި މީހެއް ގައިގައި ޖެހި ނުރައްކާތެރި އެކްސިޑެންޓެއް ހިނގަިފިއެވެ.
މިރޭ ގާތްގަނޑަކަށް 8:10 ހާއިރު ބޮޑުތަކުރުފާނު މަގުގައި ހުންނަ މާފަންނު ބަސް ޓަރމިނަލް ކުރިމަތީގައި އޮންނަ ކަފިހި ހުރަސް މަތިން ހުރަސް ކުރި މީހެއް ގައިގައި ސައިކަލަކުން ޖެހި ހިނގި މި އެކްސިޑެންޓްގައި ވަނީ 17 އަހަރުގެ ކުއްޖަކު މަރުވެފައެ. އަދި އެކްސިޑެންޓްގައި ދެން އަނިޔާވި 16 އަހަރުގެ ކުއްޖާއާއި 40 އަހަރުގެ މީހާގެ ހާލުވެސް ސީރިއަސް ކަމަށް މައުލޫމާތު ލިބެއެވެ.
ފުލުހުން މީޑިއާތަކަށް ފޮނުވި މެސެޖުގައި ބުނީ 16 އަހަރު ކުއްޖާ އާއި 17 އަހަރުގެ ކުއްޖާ އިނީ އެކްސިޑެންޓްވި ސައިކަލުގައި ކަމަށެވެ.
ބައެއް މީޑިއާތަކުން ރިޕޯޓް ކޮށްފައިވާ ގޮތުގައި މި އެކްސިޑެންޓްގައި މަރުވި 17 އަހަރުގެ ކުއްޖާއަކީ މަޝްހޫރު ލަވަކިޔުންތެރިން ކަމަށްވާ މުހައްމަދު އަބްދުލްޣަނީ (ތޭރަވާ) އާއި މަރިޔަމް އަޝްފާގެ 17 އަހަރުގެ ދަރިފުޅު އަލްސަން އެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %