މަގޫދޫގައި އެއާޕޯޓްގެ ބިއްލޫރިތައް ތަޅާލައި ގެއްލުން ދިން މައްސަލައެއް ބަލަނީ
Read Time:1 Minute, 57 Second
ފ. މަގޫދޫގައި ތަރައްގީކުރާ އެއާޕޯޓުގެ ބިއްލޫރިތައް ތަޅާލައި، ގެއްލުން ދިން މައްސަލައެއް ފުލުހުން ބަލަން ފަށައިފި އެވެ.
ރޭގެ ވަގުތެއްގައި އެއާޕޯޓްގެ ފަޔަރ އެންޑް ރެސްކިއު އިމާރާތައް ގެއްލުންތަކެއް ދީފައިވާިއިރު، މި މައްސަލަ ފުލުހުންނަށް ރިޕޯޓް ކޮށްފައިވަނީ މިއަދު ހެނދުނު 07:47 ހާއިރު، އެމްޓީސީސީ މަގޫދޫ ސައިޓުންނެވެ.
ފުލުހުން މީޑިއާތަކަށް ދިން މައުލޫމާތުގައި ބުނެފައިވަނީ އިމާރާތުގެ ވަށައިގެންވާ ބިއްލޫރިތައް ރޭގެ ވަގުތެއްގައި ތަޅާލުމުގެ އިތުރުން، އެ ތަނުގައި އަލިފާން ރޯކޮށްލުމަށް މަސައްކަތްކޮށްފައިވާ ކަމަށް ފާހަގަކުރެވިފައިވާ ކަމަށެވެ.
މި މައްސަލަ އިތުރަށް ތަހުގީގް ކުރަމުން އަންނައިރު، މި މައްސަލައިގައި އަދި އެއްވެސް މީހަކު ހައްޔަރު ކޮށްފައެއް ނުވެއެވެ.
މަގޫދޫ އެއާޕޯޓްގެ މަސައްކަތަކީ 2022 ވަނަ އަހަރު އެމްޓީސީސީއާ ހަވާލުކޮށްގެން ފެށި 231.5 މިލިއަން ރުފިޔާގެ ބޮޑު މަޝްރޫއެކެވެ. މި މަސައްކަތް މިވަގުތު ހުއްޓިފައި އޮތްއިރު، މި ތަނުގެ ގާތްގަނޑަކަށް 50 އިންސައްތައް މަސައްކަތް ވަނީ ނިމިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %