މިއަހަރުގެ ދެވަނަ ކުއާޓަރގައި އެސްޓީއޯއަށް ޖުމްލަ 3.6 ބިލިއަން ރުފިޔާ
Read Time:2 Minute, 5 Second
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އަށް މިއަހަރުގެ ދެވަނަ ކުއާޓަރގައި ޖުމްލަ އާމްދަނީގެ ގޮތުގައި 3.6 ބިލިއަން ރުފިޔާ ލިބިއްޖެއެވެ.
ޖުމްލަ އާމްދަނީގެ ގޮތުގައި 3.6 ބިލިޔަން ރުފިޔާ ލިބުނުއިރު މިއީ މިއަހަރުގެ ފުރަތަމަ ކުއާޓަރއާއި އަޅާ ބަލައި 12% ދަށްވުމެކެވެ. އެކުންފުނިން ބުނީ ޖުމްލަ އާމްދަނީ ދަށްވުމުގެ މައިގަނޑު ސަބަބަކީ ތެލުގެ އަގުތަކަށް ގެނެވުނު ބަދަލާއި އަދި މިކުއާޓަރގައި ތެލުގެ ޑިމާންޑް ދަށްވުން ކަމަށެވެ.
ދެވަނަ ކުއާޓާރގައި އެސްޓީއޯއަށް ފައިދާގެ ގޮތުގައި ވަނީ 574 މިލިއަން ރުފިޔާ ލިބިފައެވެ. މިއީ ފުރަތަމަ ކުއާޓާރ އާއި ބަލައި 2% ދަށް އަދަދެކެވެ.
ސާފު ފައިދާގެ ގޮތުގައި 163 މިލިއަން ރުފިޔާ ކުންފުންޏަށް ލިބުނުއިރު، ޓެކްސްއަށް ކެނޑުމުގެ ކުރިން ސާފު ފައިދާގެ ގޮތުގައި 198 މިލިޔަން ރުފިޔާ ލިބިފައިވާކަމަށް އެސްޓީއޯއިން ބުނެފައިވެއެވެ.
އެސްޓީއޯގެ ރިޕޯޓްގައި ވާގޮތުން އެކުންފުނިން ވިއްކާ ޖެޓް ފިއުލްގެ ޑިމާންޑް ވަނީ ދަށްވެފައެވެ. ނަމަވެސް ޑީސަލް އަގު ހެޔޮކުރުމާއެކު ޑީސަލްގެ ޑިމާންޑް އިތުރުވެ، އެހެން ވިޔަފާރިތަކުން ލިބުނު އާމްދަނީ ވަނީ 6% އިތުރުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %