ކާބޯތަކެތީގެ އަގުތައް ދެނެގަތުމަށް ”އެސެންޝަލް ކޮމޮޑިޓީ ޕްރައިޒް އިންޑެކްސް“ ތައާރަފްކުރަނީ
Read Time:2 Minute, 44 Second
ދިވެހިން ބޭނުންކުރާ އަސާސީ ކާބޯތަކެތީގެ އަގުތައް ދެނެގަތުމަށް ”އެސެންޝަލް ކޮމޮޑިޓީ ޕްރައިޒް އިންޑެކްސް“ އެއް ތައާރަފްކުރަން ނިންމާފައިވާކަމަށް އިކޮނޮމިކް މިނިސްޓްރީން ބުނެފިއެވެ.
ޕީއެސްއެމް ނިއުސްގެ ’ރާއްޖެ މިއަދު‘ ޕްރޮގްރާމްގައި ވާހަކަފުޅު ދައްކަވަމުން އިކޮނޮމިކް މިނިސްޓަރ މުހައްމަދު ސައީދު ވިދާޅުވީ، ނެޝަނަލް ބިއުރޯ އޮފް ސްޓެޓިސްޓިކްސްއާއެކު ވަރަށް އަވަހަށް އުފައްދާ އެސެންޝަލް ކޮމޮޑިޓީ ޕްރައިޒް އިންޑެކްސްއިން އާންމުކޮށް ގޭބިސީތަކަށް ބޭނުުންވާ ކާބޯތަކެއްޗާއި، އެ ކާބޯތަކެތީގެ އަގުތަކަށް އަންނަ ބަދަލުތައް ދެނެގަންނާނެ ކަމަށެވެ.
މިނިސްޓަރ ވިދާޅުވީ އެ އިންޑެކްސްގެ ދަށުން މޮނިޓަރ ކުރުމަށް 162 އައިޓަމް ހިމަނާފައިވާނެ ކަމަށެވެ. އަދި އޭގެ ތެރޭގައި ގޭބީސީތަކުން އާންމުކޮށް ބޭނުންކުރާ 111 އައިޓަމަކާއި، މޭވާއާއި ތަރުކާރީގެ 39 ބާވަތަކާއި، މަހުގެ 10 ބާވަތެއްގެ އިތުރުން ހަކަތައިގެ ދެ އައިޓަމް ހިމެނޭނެ ކަމަށް މިނިސްޓަރ ވިދާޅުވިއެވެ.
މީގެ އިތުރުން މިނިސްޓަރ ވަނީ މީގެތެރެއިން 35 ބާވަތަކީ ބަދަލުގައި އެހެން އެއްޗެއް ބޭނުން ނުކުރެވޭ ފަދަ ބާވަތްތަކުގެ ގޮތުގައި ދެނެގަނެ، ”ކްރިޓިކަލް އައިޓަމް“ ތަކުގެ ގޮތުގައި ފާހަގަކޮށްފައިވާ ތަކެތި ކަން ފާހަގަކުރައްވާފައެވެ.
މި އައު އިންޑެކްސްއާއެކު އާންމުކޮށް ގޭބީސީތަކުން ބޭނުން ކުރާ ބާވަތްތަކުގެ އަގުތައް ދެނެގަނެވި، އަގުތައް ކޮންޓްރޯލް ކުރުމަށް އިތުރު ފިޔަވަޅުތައް އެޅޭނެ ކަމަށް މިނިސްޓަރ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %