ޒުވާނުންގެ ދުވަހާއި ގުޅިގެން ޒުވާނުން ބާރުވެރިކުރުވުމަށް މަސައްކަތްކުރަން ރައީސް ގޮވާލައްވައިފި
Read Time:3 Minute, 9 Second
ބައިނަލްއަގްވާމީ ޒުވާނުންގެ ދުވަހުގެ މުނާސަބަތުގައި، މުޖުތަމައުގެ ހުރިހާ ދާއިރާއެއް ގުޅިގެން ޒުވާނުން ބާރުވެރިކުރުވުމަށް ރައީސް ޑރ. މުހައްމަދު މުއިއްޒު ގޮވާލައްވައިފި އެވެ.
ރައީސް މުއިއްޒު ގޮވާލެއްވީ މުޖުތަމައުގެ ހުރިހާ ދާއިރާއަކުން ގުޅިގެން މަސައްކަތްކޮށްގެން ޒުވާނުން ބާރުވެރިކުރުމަށާއި، ގައުމީ ފެންވަރުން ފެށިގެން ދުނިޔޭގެ ފެންވަރުގެ ނިންމުންތައް ނިންމުމުގައި އެމީހުންގެ އަޑު ހިމަނައި، ދެމެހެއްޓެނިވި ތަރައްގީގެ ލަނޑުދަނޑިތައް ހާސިލްކުރުމަށެވެ.
އެކްސްގައި ކުރެއްވި ޕޯސްޓެއްގައި ރައީސް ވަނީ ޒުވާނުންގެ އުފެއްދުންތެރިކަމަށް ތާއީދުކޮށް، އެމީހުންގެ މުސްތަގުބަލު ބިނާކުރުމަށް ވަސީލަތްތައް ފޯރުކޮށްދިނުމަށް ޒިންމާދާރު މަގާމުތަކުގައި ތިބި ފަރާތްތަކަށް އިލްތިމާސް ކުރައްވާފައެވެ.
ރައީސް ވިދާޅުވީ އުމުރަކީ ތަފާތު ގެނައުމަށް ހުރަހެއް ނޫންކަން ދިވެހި ޒުވާނުން ސާބިތު ކުރަމުންދާ ކަމަށާއި، 2030 ވަނަ އަހަރުގެ ނިޔަލަށް ދުނިޔޭގެ އާބާދީގެ %57 ވާނީ ޒުވާނުންނަށް ކަމަށާއި، ނިންމުންތައް ނިންމުމުގައި ޒުވާނުންގެ ދައުރު ވަރަށް މުހިންމު ކަމަށެވެ.
މި ވާހަކަފުޅުގައި ރައީސް ވަނީ ޒުވާނުން ބާރުވެރިކުރުމަށް ސަރުކާރުން ކުރައްވަމުން ގެންދާ މަސައްކަތްތަކުގެ ތެރެއިން، ގައުމީ ކުރިއެރުމަށް ޒުވާނުންގެ ހިއްސާކުރެވޭ ރިޔާސީ ޒުވާނުންގެ ލަފާދޭ ބޯޑާއި، ހުނަރު ތަރައްގީކޮށް މަޝްވަރާ ކުރުމަށް އުފައްދާ ”ޒުވާނުންގޭ ތިންވަނަ ޖާގަ“ ޕްލެޓްފޯމް އަށް އަލިއްއަޅުއްވާލާފައެވެ.
ކޮންމެ އަހަރެއްގެ ވެސް އޮގަސްޓު މަހުގެ 12 ވަނަ ދުވަހަކީ ބައިނަލްއަގްވާމީ ޒުވާނުންގެ ދުވަސް ގޮތުގައި ފާހަގަކުރާ ދުވަހެކެވެ. ޒުވާނުންގެ ދުވަހެއް އެންމެ ފުރަތަމަ ފާހަގަކުރީ 1998 ވަނަ އަހަރުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %