ޗައިނާއަށް އެކްސްޕޯޓް ކުރާއިރު ސެޓްފިކެޓް އޮފް އޮރިޖިން ހޯދަން ދެން އޮންލައިންކޮށް ހުށަހެޅޭނެ
Read Time:2 Minute, 16 Second
ރާއްޖެއާއި ޗައިނާއާ ދެމެދު ވެފައިވާ ފްރީ ޓްރޭޑް އެގްރީމެންޓްގެ ދަށުން ޗައިނާއަށް އެކްސްޕޯޓް ކުރާ މުދަލަށް ސެޓްފިކެޓް އޮފް އޮރިޖިން ހޯދުމަށް އޮންލައިންކޮށް ހުށަހަޅަންޖެހޭގޮތަށް ހަމަޖައްސައިފިއެވެ.
ކަސްޓަމްސް އިން ބުނީ މިމަހުގެ 15 އިން ފެށިގެން ފްރީ ޓްރޭޑް އެގްރީމެންޓްގެ ދަށުން ޗައިނާއަށް އެކްސްޕޯޓްކުރާ މުދަލަށް ސެޓްފިކެޓް އޮފް އޮރިޖިން ހޯދުމަށް އެދި، ކަސްޓަމްސް ޕޯޓަލް މެދުވެރިކޮށް ހުށަހެޅޭނެ ކަމަށެވެ. އަދި ސެޓްފިކެޓް އެޕްރޫވް ވުމުން، ޕޯޓަލްއިން އެކަން އެނގޭނެ ކަމަށާއި، މީގެއިތުރުން ޕޯޓަލް މެދުވެރިކޮށް ސެޓްފިކެޓަށް ފައިސާ ދައްކައި، ފައިސާ ދެއްކުމުން ސެޓްފިކެޓްގެ ޕްރިންޓެއް ލިބޭނެ ކަމަށް ވެސް ކަސްޓަމްސް އިން ބުނެފައިވެއެވެ.
ޗައިނާ – މޯލްޑިވްސް ފްރީ ޓްރޭޑް އެގްރީމެންޓްގައި ސޮއި ކުރީ 2017 ވަނަ އަހަރުގައެވެ. ނަމަވެސް ސަރުކާރު ބަދަލުވުމާއެކު އެ އެއްބަސްވުމުގެ ދަށުން ޓްރޭޑް ކުރުން މަޑުޖެހިފައި އޮތުމަށްފަހު މި އެއްބަސްވުމަށް އަމަލު ކުރަން ފެށީ މިއަހަރުގެ ޖެނުއަރީ 1 އިން ފަށައިންނެވެ. މި އެއްބަސްވުމުގެ ދަށުން ޗައިނާ އިން ރާއްޖެއަށް އެތެރެކުރާ މުދަލުގެ އަގު ހެޔޮވެ، ރާއްޖެއިން ޗައިނާއަށް އެކްސްޕޯޓްކުރާ މުދަލުގެ ޓެރިފްތައް ކުޑަވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %