މިދިޔަ ހަފްތާގައި މަސްވެރިންނަށް 6.7 މިލިޔަން ރުފިޔާ ދޫކޮށްފި
Read Time:2 Minute, 38 Second
މިދިޔަ ހަފްތާގައި މަސްވެރިން ކިރުވި މަހަށް 6.7 މިލިޔަން ރުފިޔާ ދޫކޮށްފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ތަފާސްހިސާބުން ދައްކައިފިއެވެ.
މަސްވެރިން ކިރުވި މަހަށް މަސްވެރިންނަށް މިދިޔަ ހަފްތާގައި ދޫކުރީ 6.7 މިލިޔަން ރުފިޔާއެވެ. މިއީ ހަފްތާގައި ދޫކުރި 3.9 މިލިޔަން ރުފިޔާއާ އަޅާބަލާއިރު 70.6 އިންސައްތައިގެ އިތުރުވުމެކެވެ. މިދިޔަ ހަފްތާގައި މަސްވެރިންނަށް އެންމެ ގިނަ އަދަދަކަށް ފައިސާ ދޫކޮށްފައިވަނީ ހޮނިހިރު ދުވަހުއެވެ.އެދުވަހު މިފްކޯއަށް 35 ދޯންޏަކުން މަސްކިރުވާފައިވާއިރު، އެ ދޯނިތަކަށް މުޅި ޖުމްލަ 1.53 މިލިޔަން ރުފިޔާ ވަނީ ދޫކޮށްފައެވެ.
މިފްކޯއިގެ ތަފާސް ހިސާބުތައް ދައްކާގޮތުން މިދިޔަ ހަފްތާގައި 165 ދޯންޏަކުން ވަނީ މަސް ކިރުވާފައެވެ. ކުރިން ހަފްތާގައި މަސްކިރުވި 125 ދޯންޏާއި އަޅާ ބަލައިރު މިހަފްތާގައި މަހަށް ނިކުތް ދޯނިތަކުގެ އަދަދު މިވަނީ އިތުރުވެފައެވެ. އޯގަސްޓް މަހުގެ ފުރަތަމަ ހަފްތާގައި ރާއްޖޭގެ ބޮޑުބަޔަކަށް މޫސުން ގޯސްވުމާ ގުޅިގެން މަހަށް ނުކުތް ދޯނިތަކުގެ އަދަދު ވަނީ މަދުވެފައެވެ.
މި އަހަރުގެ މަސްވެރިކަމުގެ މޫސުން އަންނަ މަހު ފެށޭއިރު މިފްކޯއިން ދަނީ މަސްވެރިކަމުގެ މޫސުމަށް ތައްޔާރުވަމުންނެވެ. އެގޮތުން މަސް ޕްރޮސެސިންގެ ކެޕޭސިޓީ އިތުރުކުރު މަސް ޕްރޮސެސް ކުރާ ރަށްރަށުގެ ފެކްޓްރީ އާއި ބަނދަރު އަޕްގްރޭޑް ކުރުމުގެ މަސައްކަތް ދަނީ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %