ޗައިނާ އިންޓަނޭޝަނަލް އެގްރިކަލްޗަރަލް ޓްރޭޑް ފެއަރގައި ދިވެހި އުފެއްދުންތައް ބައިވެރިކުރުމުގެ ފުރުސަތު
Read Time:2 Minute, 10 Second
22 ވަނަ ޗައިނާ އިންޓަނޭޝަނަލް އެގްރިކަލްޗަރަލް ޓްރޭޑް ފެއަރގައި ދިވެހި އުފެއްދުންތައް ބައިވެރިކުރުމުގެ ފުރުސަތު ހުޅުވާލައިފިއެވެ.
ޗައިނާގެ ޓިއަންޖިންގައި ބާއްވާ މި ފެއަރގައި ދިވެހި ވިޔަފާރިތަކަށް ބައިވެރިވުމުގެ ފުރުސަތު ހުޅުވާލާފައިވާ ކަމަށް މިނިސްޓްރީ އޮފް އިކޮނޮމިކް ޑެލެވެލޮޕްމެންޓް އެންޑް ޓްރޭޑް އިން ވަނީ ބުނެފައެވެ. އަދި މި ފުރުސަތުގައި ދިވެހި ދަނޑުވެރި ކަމުގެ އުފެއްދުން ތަކާއި، ދިވެހި މަސްވެރިކަމުގެ އުފެއްދުންތައް އިޝްތިހާރުކޮށް މާކެޓް ކުރުމަށް ލިބޭ އަގުހުރި ފުރުސަތެއް ކަމަށް މިނިސްޓްރީން ބުނެފައިވެއެވެ.
މި ފެއަރގައި ބައިވެރިވާ ދިވެހި ވިޔަފާރިތަކުގެ ތެރެއިން އެންމެ ފުރަތަމަ ރަޖިސްޓްރީ ކުރައްވާ 8 ފަރާތަކަށް، ބޫތު ފީ އަދި ބޫތުގެ ކޮންސްޓްރަކްޝަން ހަރަދުތައް ޗައިނާގެ މިނިސްޓްރީ އޮފް އެގްރިކަލްޗަރ އެންޑް ރޫރަލް އެފެއާޒުން ހިލޭ ފޯރުކޮށްދެއްވާނެ ކަމަށް މިނިސްޓްރީން ބުންޏެވެ.
މި ފެއަރގައި ބައިވެރިވުމަށް ބޭނުންވާ ފަރާތްތަކުން އެކަމަށް އެދޭ ފޯމު ފުރިހަމަކުރުމަށްފަހު އޮގަސްޓު 28 ވާ ބުރާސްފަތި ދުވަހުގެ 14:00 ގެ ކުރިން international@trade.gov.mv އީމެއިލް ކުރެއްވުމަށް މިނިސްޓްރީން ވަނީ އެދިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %