ރާއްޖޭގެ ފަތުރުވެރިކަމުގެ އެއް ބާނީ، އެމްޔޫ މަނިކު އަވަހާރަވެއްޖެ
Read Time:2 Minute, 42 Second
ދިވެހިރާއްޖޭގެ ފަތުރުވެރިކަމުގެ އެއް ބާނީ ކަމަށްވާ މުހައްމަދު އުމަރު މަނިކު (އެމްޔޫ މަނިކު) އަވަހާރަވެއްޖެ އެވެ.
މައުލޫމާތު ލިބިފައިވާ ގޮތުގައި އެމްޔޫ މަނިކު އަވަހާރަވީ ސިންގަޕޫރުގެ މައުންޓް އެލިޒަބެތު ހޮސްޕިޓަލުގައި ފަރުވާދެމުން ދަނިކޮށެވެ. ސިއްހީ ހާލުކޮޅު ގޯސްވެގެން ސިންގަޕޫރަށް ގެންދިޔައީ މިދިޔަ ޖުލައި މަހުގެ ފަހުކޮޅު އެވެ.
މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ)ގެ ޗެއާމަންގެ މަގާމުވެސް އަދާކުރައްވަމުން ގެންދަވާ އެމްޔޫ މަނިކު އަވަހާރަވީ މިއަދު ހެނދުނުގެ ވަގުތެއްގައެވެ. އަވަހާރަވީއިރު އުމުރުފުޅަކީ 78 އަހަރެވެ.
އެމްޔޫ މަނިކަކީ ދިވެހިރާއްޖެއަށް ފަތުރުވެރިކަން ތައާރަފް ކުރުމުގައި ގިނަ މަސައްކަތްތަކެއް ކޮށްދެއްވައި، އެ ސިނާއަތު ކުރިއެރުވުމަށް ގިނަ ގުނަ މަސައްކަތްތަކެއް ކޮށްދެއްވި ފަރާތެކެވެ. އަދި ރާއްޖޭގެ ފަތުރުވެރިކަމުގެ ދާއިރާގެ އެންމެ ވަރުގަދަ އެއް ކުންފުނި ކަމަށްވާ، ޔުނިވަރސަލް އެންޓަރޕްރައިސަސްގެ ޗެއަރމަންގެ މަގާމުގައި ވެސް ހުންނެވީ އެމްޔޫ މަނިކެވެ.
އެމްޔޫ މަނިކު އަވަހާރަވުމާ ގުޅިގެން ޔުނިވާސަލް ކުންފުނިން ނެރުނު ބަޔާނެއްގައި ބުނީ އެމްޔޫ މަނިކަކީ ދިވެހިރާއްޖޭގެ ފަތުރުވެރިކަމުގެ ސިނާއަތު އުފެދި ކުރިއަރައި ދިއުމުގައި މުހިންމު ދައުރެއް އަދާކުރެއްވި ބޭފުޅެއް ކަމަށާއި، އެކުންފުނިން ހަނދާންކުރަނީ، އޭނާގެ ތަރިކަ ވަކި ތާރީޚަކަށް ނުވަތަ ތަނަކަށް ހާއްސަ ނުކުރެވޭނެ މީހެއްގެ ގޮތުގައި ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %