މިދިޔަ ޖުލައި މަހު ރާއްޖެއިން 210 މިލިއަން ރުފިޔާގެ މުދާ އެކްސްޕޯޓް ކުރި
Read Time:2 Minute, 34 Second
މިއަހަރުގެ ޖުލައި މަހު ރާއްޖެއިން ބޭރަށް އެކްސްޕޯޓް ކުރި މުދަލުގެ އަގު 210 މިލިއަން ރުފިޔާ އަށް އަރާފައިވާ ކަމަށް މޯލްޑިވްސް ކަސްޓަމްސް ސަރވިސްގެ ތަފާސްހިސާބުތަކުން ދައްކައިފިއެވެ.
މިދިޔަ އަހަރުގެ ޖުލައި މަހު އެކްސްޕޯޓް ކުރި މުދަލުގެ އަގު 65 މިލިއަންގައި ހުރިއިރު މިއަހަރުގެ ޖުލައި މަހު މިވަނީ މިއަދަދު 210 މިލިއަނަށް އިތުރުވެފައެވެ. އަދި މިއަހަރުގެ ފުރަތަމަ 7 މަސް ދުވަހުގެ ތެރޭ އެކްސްޕޯޓް ކުރި މުދަލުގެ އަގު ވަނީ 1.4 ބިލިއަން ރުފިޔާ ގައެވެ. މިއީ މިދިޔަ އަހަރުގެ ފުރަތަމަ 7 މަސް ދުވަހު އެކްސްޕޯޓުކުރި 945 މިލިޔަން ރުފިޔާގެ މުދަލާއި އަޅާއި ބަލާއިރު 52 އިންސައްތަ އިތުރު އަދަދެކެވެ.
ރާއްޖެއިން އެކްސްޕޯޓް ކުރާ މުދަލުގެ ތެރެއިން އެންމެ ގިނައީ މަހުގެ ބާވަތްތަކެވެ. އެގޮތުން ރާއްޖެއިން އެންމެ ގިނައިން އެކްސްޕޯޓްކޮށްފައިވަނީ ގަނޑުކުރި އަދި ފިނިކުރި ކަނޑުމަހާއި، މަހުން އުފައްދާފައިވާ ތަފާތު ބާވަތްތަކެވެ. އަދި އެންމެ ގިނައިން އެކްސްޕޯޓް ކޮށްފައިވަނީ ތައިލެންޑަށާއި އިނގިރޭސިވިލާތަށެވެ.
މިދިޔަ މަހު އިމްޕޯޓް ކުރި މުދަލުގެ އަގު ހުރީ 4.5 ބިލިއަން ރުފިޔާގައެވެ. އެގޮތުން އެންމެ ގިނައިން އިމްޕޯޓްކުރީ 923 މިލިއަން ރުފިޔާގެ އަދަދަށް ތެލުގެ ބާވަތްތަކެވެ. ތެލުގެ ބާވަތްތައް ނުލައި އެންމެ ގިނައިން އެތެރެކުރީ ކާބޯތަކެއްޗާއި މެޝިނަރީ އެވެ. އެންމެ ގިނައިން އިމްޕޯޓްކޮށްފައި ވަނީ ޗައިނާ އިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %