ރާއްޖެއާއި ޗައިނާއާ އެކި ދާއިރާތަކުން އެއްބާރުލުން ދިނުމާ ބެހޭ 11 ފަހުމުނާމާއެއްގައި ސޮއިކޮށްފި
Read Time:2 Minute, 28 Second
ރާއްޖެއާއި ޗައިނާއާ ގުޅުން އިތުރަށް ހަރުދަނާކޮށް، ދެ ގައުމުގެ ދެމެދު އެކި ދާއިރާތަކުން އެއްބާރުލުން އިތުރުކުރުމާބެހޭ 11 ފަހުމުނާމާއެއްގައި ސޮއިކޮށްފިއެވެ.
ޗައިނާގެ ބެއިޖިންގެ، ވަންގްފުޖިންގް ހިލްޓަން ހޮޓެލްގައި މިއަދު ކުރިޔަށްދިޔަ ރަސްމިއްޔާތުގައި ރައީސް ޑރ. މުހައްމަދު މުއިއްޒު ވަނީ ބައިވެރިވެވަޑައިގެންފައެވެ. މި ރަސްމިއްޔާތުގައި ރާއްޖެއާއި ޗައިނާއާ ދެމެދު އެކި ދާއިރާތަކުން ގުޅުން ބަދަހިކުރުމުގެ 11 ފަހުމުނާމާއެއްގައި ވަނީ ސޮއިކުރައްވާފައެވެ.
މިއީ ދެ ގައުމުގެ އިގްތިސާދީ ތަރައްގީއާއި، އުމްރާނީ ތަރައްގީ އަދި އިންފްރާސްޓްރަކްޗަރާ ގުޅޭ މަޝްރޫއުތަކުގެ އިތުރުން އިޔާދަކުރަނިވި ހަކަތައިގެ ދާއިރާއަށް ދެގައުމުގެ އެއްބާރުލުން އިތުރުކުރުމަށް އެހީތެރިވާނެ އެއްބަސްވުންތަކެވެ.
މި ފަހުމުނާމާތަކާއި ގުޅިގެން ކުރިއަށް އޮތް ތަނުގައި ދެ ގައުމުގެ މެދުގައި އޮތް ޒަމާންވީ ގުޅުން އިތުރަށް ބަދަހިވެ، ދެމެހެއްޓެނިވި ތަރައްގީއަށް އެޅޭ މުހިންމު ފިޔަވަޅަކަށް ވާނެ ކަމަށް ރައީސް އޮފީހުން ބުނެފައިވެއެވެ.
މި އެއްބަސްވުންތަކުގައި ސޮއި ކުރީ މިހާރު ރައީސް މުއިއްޒު ޗައިނާގެ ރައީސް ޝީ ޖިންޕިންގެ ދައުވަތަކަށް، ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) ސަމިޓުގައި ބައިވެރިވެވަޑައިގަތުމަށް ޗައިނާއަށް ކުރައްވާ ދަތުރުފުޅުގެ ތެރެއިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %