އޮރެންޖް ހިޔާގައި ”ތެލަސީމިއާ ޕޭޝަންޓް ކެއާ ސެންޓަރ“ ހުޅުވައިފި
Read Time:2 Minute, 22 Second
ހުޅުމާލޭ އޮރެންޖް ހިޔާގައި ތެލަސީމިއާ ބަލި މީހުންނަށް ހާއްސަކޮށް ގާއިމުކުރި ”ތެލަސީމިއާ ޕޭޝަންޓް ކެއާ ސެންޓަރ“ ރަސްމީކޮށް ހުޅުވައިފިއެވެ.
މި ސެންޓަރު ހުޅުވައިދެއްވީ މާލެ ސިޓީ ގުރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމެވެ. މި ސެންޓަރު ހުޅުވައިދެއްވުމަށް ފަހު ހަލީމް ވިދާޅުވީ، މި ސެންޓަރަކީ ތެލަސީމިއާ ޕޭޝަންޓުންނަށް ފުރިހަމަ ހިދުމަތް ފޯރުކޮށްދިނުމަށްޓަކައި، މެޑިކަލް އޮފިސަރުންނާއި، ޕަބްލިކް އޮފިސަރުންނާއި، ކައުންސިލަރުންގެ ޓީމެއް ހިމެނޭ ގޮތަށް އިންތިޒާމު ކުރެވިގެން ހުޅުވި ސެންޓަރެއް ކަމަށެވެ.
އަދި ހަލީމް ވަނީ އަތޮޅުތަކުގައި ދިރިއުޅޭ ތެލަސީމިއާ ބަލިމީހުންނަށް ދަތިތަކެއް ހުރިކަން ފާހަގަކުރައްވައި، މި ސެންޓަރުން އަތޮޅުތަކުގައި ދިރިއުޅޭ ތެލަސީމިއާ ބަލިމީހުންނަށް ގުޅައި، ހާލު ބަލަމުން ގެންދާނެ ކަމަށް ވިދާޅުވެފައެވެ. އަދި ޑޮކްޓަރަށް ދެއްކުމުގައި ދަތިތަކެއް ހުރެއްޖެނަމަ އެ ސަރަހައްދެއްގައި ހުންނަ އަތޮޅު ހޮސްޕިޓަލަކާ ގުޅިގެން އެ ސެންޓަރުން ހިދުމަތް ފޯރުކޮށްދޭނެ ކަމަށް ހަލީމް ވިދާޅުވިއެވެ.
މާލޭގައި ގިނަދުވަސްވެ ހާލަތު ގޯސްވެފައިވާ ތެލެސީމިއާ ސެންޓަރު، ހުޅުމާލޭ ފުރަތަމަ ފިޔަވަހީގައި ހުންނަ އޮރެންޖު ހިޔާއަށް ބަދަލުކުރީ މިދިޔަ މެއި މަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %