އިތުރު ފަސް އަތޮޅެއްގައި އާރްޓީއެލް ފެރީ ފަށަން ދިރާސާ ކުރަނީ
Read Time:2 Minute, 32 Second
ރާއްޖެ ޓްރާންސްޕޯޓް ލިންކް (އާރްޓީއެލް) ފެރީގެ ހިދުމަތް އިތުރު ފަސް އަތޮޅެއްގައި ފެށުމަށް ދިރާސާ ކުރަން ތައްޔާރުވެއްޖެއެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ބުނީ އާރްޓީއެލް ޕްރޮޖެކްޓްގެ ދަށުން ޒޯން 4 ގައި ދަތުރުފަތުރުގެ ނިޒާމު ގާއިމު ކުރުމަށް އެހީތެރިކަން ދިނުމުގެ ގޮތުން ކުރަން ހަމަޖެހިފައިވާ ދިރާސާތައް ކުރުމަށް ތައްޔާރު ވަމުން އަންނަ ކަމަށެވެ. އެގޮތުން ދިރާސާ ކުރުމައްޓަކައި ޖަޕާން އިންޓަނޭޝަނަލް ކޯޕަރޭޝަން އެސިސްޓެންސް (ޖައިކާ) ގެ ކޮންސަލްޓަންޓުންނާއި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންއާއި ދެމެދު މަޝްވަރާ ބައްދަލުވުމެއް ބާއްވާފައި ވާކަމަށް މިނިސްޓްރީން ބުންޏެވެ.
މިބައްދަލުވުމުގައި ޖައިކާގެ ފަރާތުން މިހިގާ ސެޕްޓެންބަރު އަދި އޮކްޓޯބަރު މަހު ކުރުމަށް ހަމަޖެހިފައިވާ ބޭސްލައިން ސާރވޭއާބެހޭ މައުލޫމާތު އަދި އެސާރވޭތައް ކުރިއަށް ގެންދިއުމަށް ރާވާފައިވާ ޓައިމްލައިން މިނިސްޓްރީއާ ވަނީ ހިއްސާ ކޮށްފައެވެ.
ރާއްޖޭގެ ދަތުރުފަތުރުގެ ނިޒާމު އިތުރަށް ފަސޭހަ ކުރުމަށް ހިންގާ އާރްޓީއެލް ފެރީގެ ހިދުމަތް ޒޯން 4 ގައި ދޭން ތައްޔާރު ވަމުން އަންނައިރު މިހާރު 11 އަތޮޅެއްގައި ދަނީ މި ހިދުމަތް ދެމުންއެވެ. މިއީ ހއ، ހދ، ށ، ނ، ރ، ބ، ޅ، ގއ، ގދ ފުވައްމުލައް އަދި އައްޑޫ އަތޮޅެވެ.
ޒޯން 4 ގައި ހިމެނޭ އަތޮޅުތަކަކީ މ،ފ،ދ،ތ އަދި ލ އަތޮޅެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %