މަޓާޓޯގެ ސީއީއޯގެ މަގާމުން ސޫޒަން އިސްތިއުފާ ދެއްވައިފި
Read Time:1 Minute, 48 Second
މޯލްޑިވްސް އެސޯސިއޭޝަން ފޯ ޓްރެވެލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) ގެ ސީއީއޯގެ މަގާމުން އާމިނަތު ސޫޒަން އިސްތިއުފާ ދެއްވައިފި އެވެ.
މަޓާޓޯގެ ސީއީއޯއަކަށް ސޫޒަން އައްޔަނުކުރީ ޖެނުއަރީ 27، 2024 ގައެވެ. ސޫޒަންގެ ލީޑަރޝިޕް ދަށުން މަޓާޓޯ އަށް ވަނީ ގިނަ ކުރިއެރުންތަކެއް ހޯދައިދީފައެވެ.
މަޓާޓޯއިން ވަނީ ސޫޒަން އިސްތިއުފާ ދެއްވިކަން އިއުލާންކޮށް، އޭނާގެ ކޮށްދެއްވި ހިދުމަތްތަކާއި މަސައްކަތްތަކަށް ޝުކުރު އަދާކޮށްފައެވެ. އެގޮތުން އޭނާގެ ލީޑަރޝިޕްގެ ދަށުން މަޓާޓޯގެ އައު ލޯގޯ އާއި ވެބްސައިޓް ލޯންކުރުމާއި، އަންހެނުންގެ ޓްރެވެލް ކޮންފަރެންސް ފަދަ މަސައްކަތްތައް ވަނީ ފާހަގަކޮށްފައެވެ.
ސޫޒަން ކުރެއްވި ޕޯސްޓެއްގައި އޭނާ ވިދާޅުވީ، އިސްތިއުފާ ދެއްވީ ބްރޭކެއް ނެގުމަށާއި، އަމިއްލަ ޕްރޮޖެކްޓުތަކަށް އިސްކަން ދިނުމަށް ބޭނުންވާތީ ކަމަށެވެ. އަދި އޭނާ ވަނީ މަޓާޓޯއަށް ހިދުމަތް ކުރުމަށް ދެއްވި ފުރުސަތަށް ޝުކުރު އަދާކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %