ޣައްޒާއަށް އެހީވުމަށް ދިޔަ ބޯޓްތަކުގެ މައި ބޯޓަށް ހަމަލާ ދީފި
Read Time:2 Minute, 20 Second
އިސްރާއީލުގެ ބްލޮކޭޑް ފަޅާލައި، ޣައްޒާއަށް އެހީވުމަށް ދަތުރުކުރި ބޯޓުތަކުގެ ގްރޫޕެއް ކަމަށްވާ ގްލޯބަލް ސުމުދު ފްލޮޓިލާ (ޖީއެސްއެފް) ގެ މައި ބޯޓަށް ޑްރޯން ހަމަލާއެއް ދީފިއެވެ.
ހަބަރު ލިބިފައިވާ ގޮތުގައި މި ހަމަލާގައި ބޯޓަށް ބޮޑެތި ގެއްލުންތަކެއް ލިބުނު ނަމަވެސް ބޯޓުގައި ތިބި މީހުން ތިބީ ސަލާމަތުންނެވެ.
ޖީއެސްއެފް އިން ހިއްސާކުރި ވީޑިއޯތަކުން ފެންނަނީ ޑްރޯންއަކުން ގޮވާ އެއްޗެއް ބޯޓަށް ވައްޓާލާތަނެވެ. އަދި ދޯނީގައި ތިބި މަންޒަރު ދުށް މީހުން ބުނީ ބޯޓުގައި އެއްޗެއް ގޮވުމުގެ ކުރިން ޑްރޯން ފެނުނު ކަމަށެވެ.
ޖީއެސްއެފް އިން މި ހަމަލާގައި ތުހުމަތު ކުރަނީ އިސްރާއީލަށެވެ. ސަބަބަކީ ކުރިން ވެސް މިފަދަ އެއިޑް ބޯޓުތަކަށް އިސްރާއީލުން ހަމަލާދީފައިވާތި އެވެ.
ޓިއުނީޝިއާގެ ނޭޝަނަލް ގާޑުން ޑްރޯންގެ ވާހަކަތައް ދޮގުކޮށް، ބުނީ އަލިފާންގަނޑު ފެށުނީ ސިނގިރޭޓް ބުރިއެއް ނުވަތަ ލައިޓަރަކުން ލައިފް ޖެކެޓެއްގައި އަލިފާން ރޯވުމުން ކަމަށް ބެލެވޭ ކަމަށެވެ. އޮފިޝަލުން ހާމަކުރި ގޮތުގައި ބޭރުން ހަމަލާއެއް ދިން ކަމުގެ އެއްވެސް ނިޝާނެއް ނުފެނެ އެވެ. ނަމަވެސް ޖީއެސްއެފް އިން ބުނަނީ އެއީ ޑްރޯން ހަމަލާއެއް ކަމަށާއި އިތުރު ތަފްސީލު ނޫސްވެރިންގެ ބައްދަލުވުމެއްގައި އާންމު ކުރަން ރާވާފައިވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %