މިދިޔަ ހަފުތާގައި މަސްވެރިންނަށް 6.3 މިލިޔަން ރުފިޔާ ދޫކޮށްފި
Read Time:2 Minute, 23 Second
މިދިޔަ ހަފުތާގައި މަސްވެރިން ކިރުވި މަހަށް، ސަރުކާރުގެ މަސްކުންފުނި މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން 6.3 މިލިޔަން ރުފިޔާ ދޫކޮށްފައިވާކަމަށް އެ ކުންފުނީގެ ތަފާސްހިސާބުތަކުން ދައްކައިފިއެވެ.
މިފްކޯއިން އާންމުކޮށްފައިވާ ތަފާސްހިސާބުތަކަށް ބަލާއިރު، މިދިޔަ ހަފުތާގައި 160 ދޯންޏަކުން މަސްކިރުވާފައިވާއިރު، މިއީ އޭގެ ކުރީ ހަފުތާގައި މިފްކޯއަށް މަސްކިރުވި ދޯނިފަހަރުގެ އަދަދާ އަޅާބަލާއިރު 26.6 އިންސައްތަ ދަށް އަދަދެކެވެ. އޭގެ ކުރީ ހަފުތާގައި މިފްކޯއަށް މަސްކިރުވާފައިވަނީ 218 ދޯންޏަކުންނެވެ.
މަސްކިރުވި ދޯނިފަހަރުގެ އަދަދު ދަށްވުމާއެކު، މިދިޔަ ހަފުތާގައި މަސްވެރިންނަށް މިފްކޯއިން ދޫކުރި ފައިސާގެ އަދަދުވެސް ވަނީ ދަށްވެފައެވެ. އެގޮތުން، މިދިޔަ ހަފުތާގައި މަސްވެރިންނަށް ދޫކޮށްފައިވަނީ މުޅި ޖުމްލަ 6,374,926 ރުފިޔާއެވެ. މިއީ އޭގެ ކުރީ ހަފުތާގައި މަސްވެރިންނަށް ދޫކުރި 9,390,235 ރުފިޔާއާ އަޅާބަލާއިރު 32.1 އިންސައްތަ ދަށް އަދަދެކެވެ.
ރާއްޖެއިން ބޭރު ކުރާ މުދަލުގެ އެންމެ ބޮޑު ބައެއް ހިއްސާ ކުރަނީ މަހުގެ ބާވަތްތަކެވެ. އެހެންކަމުން ރާއްޖޭގެ މަސްވެރިކަމުން ލިބޭ އާމްދަނީ އިތުރުކޮށް ސިނާޢަތުން އިޤްތިޞާދުގައި ހިއްސާކުރާ މިންވަރު އިތުރުކުރުމަކީ ސަރުކާރުގެ އަމާޒެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %