ސަމިޓަށް ފަހު ރައީސް މާލެ ވަޑައިގެންފި، ރައީސް ގޮވާލެއްވީ އިސްރާއީލަށް ބައިނަލްއަގްވާމީ ފިޔަވަޅު އެޅުއްވުމަށް
Read Time:3 Minute, 49 Second
ދޯހާގައި ބޭއްވި އިސްލާމީ ގައުމުތަކުގެ ކުއްލި ސަމިޓުގައި ބައިވެރިވެވަޑައިގެންނެވުމަށް ފަހު، ރައީސް ޑރ. މުހައްމަދު މުއިއްޒު މާލެ ވަޑައިގެންފިއެވެ.
މި ސަމިޓަކީ މިމަހުގެ 9 ވަނަ ދުވަހު ގަތަރުގެ ވެރިރަށް ދޯހާއަށް އިސްރާއީލުން ދިން ހަމަލާއަކާއި ގުޅިގެން ބޭއްވި ކުއްލި ސަމިޓެކެވެ. މި ސަމިޓުގައި ވާހަކަ ދައްކަވަމުން ރައީސް މުއިއްޒު ވަނީ އިސްރާއީލަށް ބައިނަލްއަގްވާމީ ފިޔަވަޅު އެޅުއްވުމަށް ގޮވާލައްވާފައެވެ.
ރައީސް މުއިއްޒު ވިދާޅުވީ އިސްރާއީލުން ގަތަރުގެ ވެރިރަށް ދޯހާއަށް ދިން ހަމަލާއަކީ އެ ޤައުމުގެ އިސްތިގުލާލަށް އަރައިގަތުންކަމަށާއި، އެއީ އަރަބި އަދި އިސްލާމީ އެންމެހައި ގައުމުތަކުގެ ކަރާމާތް ނަގާލުމަށް ދިން ހަމަލާއެއްކަމަށެވެ. އަދި އެ ހަމަލާއަކީ އިންސާނިއްޔަތާ ދެކޮޅު ޖަރީމާއެއް ކަމަށާއި، އެއީ ސީދާ ސުލްހައަށް ދިން ހަމަލާއެއްކަމަށް ރައީސް ވިދާޅުވިއެވެ.
އެގޮތުން ގަތަރަކީ އެސަރަހައްދުގެ ސުލްހައަށް މަސައްކަތް ކުރާ ގައުމެއް ކަމަށް ފާހަގަކުރައްވައި، ރައީސް މުއިއްޒު ވިދާޅުވީ އިސްރާއީލަކީ ސުލްހަ އަށް ކުރާ މަސައްކަތްތަކަށް ހުރަސް އަޅައި، ސަރަހައްދީ ހަމަޖެހުމަށް ލޮޅުންއެރުވުމަށް މަސައްކަތްކުރާ ގަައުމެއް ކަމަށެވެ.
އަދި އިސްރާއީލުން އެގައުމުން ހިންގާ އަމަލުތަކަށް ޖަވާބުދާރީވުމުން ރެކެން ފުރުސަތު ދިނުން ކުށްވެރިކުރައްވައި، ބައިނަލްއަގުވާމީ ގާނޫނު ހިންގާންވާނީ، ހުރިހާ ދައުލަތެއްގެ މައްޗަށްވެސް، ހަމަހަމަ ގޮތެއްގައި ކަމަށް ވިދާޅުވެ، އިސްރާއީލުން ހިންގަމުންދާ ހަނގުރާމައިގެ ޖަރީމާތަކަށް އިސްރާއީލުގެ ލީޑަރުން ޖަވާބުދާރީކުރުވުމަށް އެމަނިކުފާނު ގޮވާލެއްވިއެވެ.
މީގެ އިތުރުން އިސްލާމީ އުންމަތުގެ އެއްވެސް ޤައުމެއް، އެކަހެރި ޙާލަތެއްގައި ޢުދުވާނަކާ ކުރިމަތިލާންޖެހިގެން ނުވާނޭކަމަށް ވެސް ރައީސް މުއިއްޒު ވިދާޅުވިއެވެ.
މި ސަމިޓަކީ މިމަހުގެ 9 ވަނަ ދުވަހު ގަތަރުގެ ވެރިރަށް ދޯހާއަށް އިސްރާއީލުން ދިން ހަމަލާއަކާއި ގުޅިގެން ބޭއްވި ސަމިޓެކެވެ. އިސްރާއީލުން ވަނީ މިހަމަލާ އަކީ ހަމާސްގެ ބަޔަކަށް އަމާޒުކޮށް ދިން ހަމަލާއެއް ކަމަށް ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %