ފޮޓޯ: ބީއެމްއެލް
ބީއެމްއެލް ގައި މިހާރު ޗައިނީސް ޔުއާން އެކައުންޓް ހުޅުވޭނެ
Read Time:3 Minute, 27 Second
ބޭންކް އޮފް މޯލްޑިވްސް (ބީއެމްއެލް) އިން ރާއްޖޭގައި ފުރަތަމަ ފަހަރަށް ޗައިނީސް ޔުއާން އެކައުންޓެއް ތައާރަފްކޮށްފިއެވެ.
ރާއްޖޭގައި ފުރަތަމަ ފަހަރަށް ޗައިނީސް ޔުއާން އެކައުންޓެއް ތައާރަފްކުރުމަށް މިއަދު މެންދުރުފަހު ވަނީ ހާއްސަ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު، ކޮންގް ޝިން ހުއާއާއި ބީއެމްއެލްގެ ޗެއާޕާސަން އަޙްމަދު ޢަލީ ޙަބީބް ބައިވެރިވެ ވަޑައިގެންފައިވެއެވެ. އަދި މި ރަސްމިއްޔާތުގައި ބީއެމްއެލްގެ ސީއީއޯ އަދި މެނޭޖިން ޑިރެކްޓަރު މުޙައްމަދު ޝަރީފްގެ އިތުރުން ބޭންކުގެ ބޯޑު މެންބަރުން ބައިވެރިވެވަޑައިގެންނެވިއެވެ.
ސޯޝަލް މީޑިއާގައި ކުރި ޕޯސްޓެއްގައި ބީއެމްއެލް އިން ބުނީ ރާއްޖޭގައި ފުރަތަމަ ފަހަރަށް ޗައިނީސް ޔުއާން (ސީއެންވައި) އެކައުންޓްގެ ހިދުމަތް ލޯންޗު ކޮށްފައިވާ ކަމަށެވެ. އަދި މިއީ ރާއްޖެއާއި ޗައިނާއާ ދެމެދު ވިޔަފާރިއާއި މާލީ މުއާމަލާތްތައް ކުރިއެރުވުމަށް އެޅުނު ބޮޑު ފިޔަވަޅެއް ކަމަށް އެކުންފުނިން ފާހަގަ ކޮށްފައިވެއެވެ.
މިހާރު ބީއެމްއެލްގެ ހިދުމަތް ހޯއްދަވާ ފަރާތްތަކަށް އިންޓަނެޓް އަދި މޮބައިލް ބޭންކިންގ އެޕް މެދުވެރިކޮށް ޗައިނީސް ޔުއާންގެ ކަރަންޓް އެކައުންޓް ހުޅުވޭނެއެވެ. އަދި ޗައިނީސް ޔުއާންއިން އިންޓަނޭޝަނަލް ޓްރާންސްފަރ (ޓީޓީ) ފޮނުވުމާއި، ޔުއާންއިން ރާއްޖެއަށް ފައިސާ ލިބުމުގެ ޚިދުމަތްވެސް ލިބޭނެއެވެ.
މި ހިދުމަތާއެކު ރާއްޖޭގެ ވިޔަފާރި ވެރިންނަށް ޗައިނާއިން އެއްޗެހި އިމްޕޯޓް އަދި އެކްސްޕޯޓް ކުރަން ފަސޭހަ ވެގެންދާނެއެވެ. މިހާރު ޗައިނީސް ޔުއާންއިން ލެޓަރ އޮފް ކްރެޑިޓް (އެލްސީ) ހެދުމުގެ ޚިދުމަތްވެސް ލިބޭނެއެވެ. އަދި މީގެއިތުރުން، ބީއެމްއެލްގެ ޑެބިޓް އަދި ކްރެޑިޓް ކާޑުތައް ވީޗެޓް ޕޭއަށް އެޑްކޮށް ޗައިނާގެ މަރޗަންޓުންނަށް ފައިސާ ދެއްކޭނެ އިންތިޒާމު ހަމަޖައްސާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %