2035 ވަނަ އަހަރުގެ ނިޔަލަށް ރާއްޖެއިން ޖައްވަށް ދޫކުރާ ވިހަ ގޭސް 1.5 މިލިއަން ޓަނަށް މަދުކުރަނީ
Read Time:3 Minute, 36 Second
2035 ވަނަ އަހާރާއި ހަމައަށް، ޖައްވަށް ދޫކުރާ ވިހަގޭހުގެ މިންވަރު 1.5 މިލިއަން ޓަނަށް މަދުކުރަން ސަރުކާރުން މަސައްކަތް ކުރާނެ ކަމަށް ފަތުރުވެރިކަމާއި ތިމާވެއްޓާބެހޭ މިނިސްޓަރ ޠާރިޤު އިބްރާހިމް ވިދާޅުވެއްޖެވެ.
މިއަހަރު ރާއްޖެއިން ހުށަހަޅި ޕްލޭނުގައި ޖައްވަށް ދޫކުރާ ކާބަންގެ މިންވަރު 2035 ވަނަ އަހަރާއި ހަމައަށް ދާއިރު 1.52 މިލިޔަން ޓަނަށް މަދުކުރަން އަމާޒު ހިފާފައިވާކަމަށް މިނިސްޓަރ ޠާރިޤު ވިދާޅުވެފައިވެއެވެ.
ޠާރިޤު މިހެން ވިދާޅުވީ އދ. އާންމު މަޖިލީހުގެ 80 ވަނަ ސެޝަންގެ ހަވާސާގައި ޕެރިސް އެއްބަސްވުމާއި ގުޅޭގޮތުން އިންތިޒާމުކުރި ހަރަކާތުގައި ވާހަކަ ދައްކަވަމުންނެވެ. މި އެއްބަސް ވުމަކީ މޫސުމަށް އަންނަ ބަދަލުތަކާއި ދެކޮޅަށް މަސައްކަތް ކުރުމަށް 2015 ވަނަ އަހަރު 195 ޤައުމަކުން ސޮއި ކޮށްފައިވާ އެއްބަސްވުމެކެވެ.
”ޕެރިސް އެއްބަސްވުން ފާސްވިތާ ދިހަ އަހަރު ފުރޭއިރު، އަޅުގަނޑުމެން މަސައްކަތް ކޮށްފައިވަނީ އެއްބަސްވުމުގެ އުންމީދު އަމަލުން ދައްކުވައިދިނުމަށް. ފާއިތުވި އަހަރުތަކުގެ ތެރޭގައި ޓްރާންސްފޯމަޓިވް ޕާޓްނަޝިޕްތަކުން ފެށިގެން މިއަހަރުގެ އެންޑީސީ ހުށަހެޅުމާ ހަމައަށް، ރާއްޖެއިން އަބަދުވެސް އިޚްތިޔާރުކޮށްފައިވަނީ ބަލިކަށިކަމަކީ ބާރަކަށް ބަދަލުކުރުމަށް“ މިނިސްޓަރ ޠާރިޤު ކުރެއްވި ޕޯސްޓެއްގައި ވިދާޅުވިއެވެ.
މި ބައްދަލުވުގައި ވާހަކަ ދައްކަވަމުން ފޮރިން މިނިސްޓަރ އަބްދުﷲ ޙަލީލް ވިދާޅުވީ ވޭތުވެދިޔަ 10 އަހަރުގެ ފިލާވަޅުތައް ސާފުކަމަށެވެ. އެގޮތުން ތަންފީޒު ނުކޮށް އަމާޒެއް އުފެއްދުމުން ހާސިލް ކުރެވެނީ ވަރަށް ކުޑަ އެއްޗެއް ކަމަށާއި، ރާއްޖެއަށް މިކަމުގެ އޮތީ ހުރިހާ ގައުމަކަށް ބައިނަލްއަޤްވާމީ އެއްބައިވަންތަކަމަށް ގޮވާލުން ކަމަށެވެ.
އަދި ކުރިއަށް އޮތް 10 އަހަރަގައި އަމަލުން މި ކަންކަން ދެއްކުމަށާއި، މިފަދަ ކަންކަމަށް ފައިނޭންސް ލިބޭނެ ގޮތް ފަސޭހަކޮށް، ހުރިހާ ގައުމަކުން ޕާޓްނަޝިޕްތައް ހަރުދަނާ ކުރުމަށް މިނިސްޓަރ ގޮވާލެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %