ފޮޓޯ: މޮއިޒް ސަލްހި/އަނަޑޮލު
ހަނގުރާމަ ހުއްޓާލުމަށް އިސްރާއީލާއި ހަމާސް އެއްބަސްވެއްޖެ، ޣައްޒާއަށް އުއްމީދުގެ ހުޅުކޮޅެއް
Read Time:3 Minute, 7 Second
ދެއަހަރު ވަންދެން ޣައްޒާގައި ހިނގަމުންދިޔަ ހަނގުރާމަ ހުއްޓާލުމަށް އިސްރާއީލާއި ފަލަސްތީނުގެ ހަމާސް ޖަމާއަތާ ދެމެދު އެއްބަސްވުމަކަށް އައިސްފިއެވެ.
މި އެއްބަސްވުމަކީ އެމެރިކާގެ އިސްނެގުމާއެކު އެކުލަވާލެވުނު ސުލްހައިގެ ރޭވުމެއްގެ ބައެކެވެ.
މި އެއްބަސްވުމުގެ ދަށުން އިސްރާއީލުން ޣައްޒާގެ ބައެއް ސަރަހައްދުތަކުން އެމީހުންގެ ސިފައިން ބޭލުމަށް ވަނީ ހަމަޖެހިފައެވެ. އަދި ހަމާސްއިން ރަހީނުކޮށްފައިވާ މީހުން މިނިވަންކުރާނެއެވެ.
ރަހީނުކޮށްފައިވާ މީހުން ހަމާސް އިން ދޫކޮށްލަން ހަމަޖެހިފައި އޮތްއިރު، އިސްރައީލުން ރަހީނުކޮށްފައިވާ ފަލަސްތީނުގެ ބައެއް ރައްޔިތުން ވެސް ދޫކޮށްލަން އިސްރާއީލުން ވަނީ އެއްބަސްވެފައެވެ.
ހަމާސްއިން ވަނީ މި އެއްބަސްވުމަށް އެއްބަސްވެފައިވާ ކަން ކަށަވަރުކޮށްދީ، މިޞްރާއި، ޤަޠަރު، އަދި އެމެރިކާ ފަދަ ޤައުމުތަކަށް އެކަން އަންގާފައެވެ. އަދި ހަމާސް އިން ގޮވާލާފައިވަނީ އިސްރާއީލުން މި އެއްބަސްވުމަށް ޢަމަލުކުރާކަން ކަށަވަރުކުރުމަށެވެ.
މަސްތަކެއް ވަންދެން ހުއްޓުމެއްނެތި ކުރި ވައިގެ ހަމަލާތަކާއި، ކާބޯތަކެއްޗާއި، ފެނާއި، ބޭހުގެ ދަތިކަމާ ކުރިމަތިލާފައިވާ ޣައްޒާގެ ރައްޔިތުން ވަނީ މި އެއްބަސްވުމާއެކު މަގުތަކަށް ނިކުމެ އުފާ ފާޅުކޮށްފައެވެ.
ދުނިޔޭގެ އެކި ޤައުމުތަކުގެ ލީޑަރުން ވަނީ މި ޚަބަރަށް މަރުޙަބާ ކިޔާފައެވެ. ނަމަވެސް ދެފަރާތުންވެސް އެމީހުންގެ ވަޢުދުތަކުގައި ސާބިތުވުމަކީ މުހިންމު ކަމެއް ކަމަށާއި، މިކަމަކީ އެންމެ ބޮޑު ގޮންޖެހުން ކަމަށް ބައެއް ލީޑަރުން ސިފަކޮށްފައިވެއެވެ.
ހަނގުރާމަ ހުއްޓާލުމަށް އެއްބަސްވިއިރު، މިހާތަނަށް ހަމަލާތަކުގައި 69،100 ޣައްޒާގެ ރައްޔިތުން ވަނީ އިސްރާއީލުން މަރާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %