ރާއްޖޭގެ އެކި ސަރަހައްދުތަކަށް މޫސުން ގޯސް: ކަނޑުދަތުރުކުރާ ފަރާތްތަކުން ސަމާލުވޭ
Read Time:2 Minute, 49 Second
ކުރިޔަށް އޮތް 24 ގަޑިއިރު ރާއްޖޭގެ ބޮޑު ސަރަހައްދަކަށް މޫސުން ގޯސްވެ، ހުޅަނގު މޫސުމުގެ ބާރުގަދަވެ ވިއްސާރަ ކުރާނެތީ، ކަނޑުދަތުރުކުރާ ފަރާތްތަކުން، ހާއްސަކޮށް ކުދި އުޅަނދުފަހަރު ދުއްވައި އުޅޭ ފަރާތްތަކުން، މޫސުމަށް ސަމާލުވުމަށް މޯލްޑިވްސް މީޓިއޮރޮލޮޖިކަލް ސަރވިސް (މެޓް އޮފީސް) އިން އިލްތިމާސްކޮށްފިއެވެ.
މެޓް އޮފީހުން ވަނީ ހއ އަތޮޅުން ފެށިގެން ރ އަތޮޅަށް ހެނދުނު 09:40 އިން މެންދުރު 01:00 އާހަމަޔަށް ރީނދޫ ސަމާލު ނެރެފައެވެ. އަދި ބޮޑުބަޔަކަށް ވިއްސާރަކުރުމާއެކު ގުގުރުން އެކަށީގެންްވާނެ ކަމަށް އެ އިދަރާއިން ބުނެއެވެ.
ވިލާގަނޑުގައި ގަޑިއަކު 40 މޭލަށް ވައިގަދަވުން އެކަށީގެންވާ ކަމަށް ވެސް މެޓް އޮފީހުން ވަނީ އަންގާފައެވެ. މި ސަރަހައްދުތަކުގައި ކަނޑުތައް ގަދަވެ، ކަނޑުދަތުރުކުރާ އުޅަނދުފަހަރުތަކުން ސަމާލުވުމަށް ވަނީ އިލްތިމާސްކޮށްފައެވެ.
މޫސުން ގޯސްވެފައިވަނީ ހުޅަނގު މޫސުމާ ގުޅިގެން، ރާއްޖޭގެ ސަރަހައްދަށް ވިއްސާރައިގެ ކޮޅިގަނޑެއް ވަދެފައިވާތީއެވެ. މިކަމުގެ ސަބަބުން، ވައިގެ ބާރުގަދަވެ، ކަނޑުތައް ގަދަވެ، ވިއްސާރަކުރުމުގެ އިތުރުން ބައެއްފަހަރު އުދަ އެރުން ވެސް އެކަށީގެންވެއެވެ.
ވީމާ، ދަތުރުފަތުރުކުރުމުގެ ކުރިން މޫސުމާ ބެހޭ އެންމެ ފަހުގެ މައުލޫމާތު ހޯދައި، ރައްކާތެރިކަމުގެ ފިޔަވަޅުތައް އެޅުމަށް ހުރިހާ ފަރާތްތަކަށް ވެސް މެޓް އޮފީހުން އިލްތިމާސް ކުރެއެވެ. އެލާޓްގެ މުއްދަތު ނިމުމުން ވެސް، މޫސުމަށް އަންނަ ބަދަލުތައް ގާތުން ބަލައި، ދަތުރުފަތުރުގެ ރައްކާތެރިކަމަށް އިސްކަން ދިނުމަކީ މުހިއްމު ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %