އޮޔާދާކަމަށް ރިޕޯޓު ކުރި ޑިންގީ އެއް ސަލާމަތްކޮށްފި، ފެނުނީ ބަންޑުން ޖަހާލާފައި ވަނިކޮށް
Read Time:2 Minute, 0 Second
ގދ. މަޑަވެލި ކައިރިން އޮޔާދާކަމަށް ރިޕޯޓްކުރި ޑިންގީއެއްގައި ތިބި ދެމީހުން ފުލުހުން ސަލާމަތްކޮށްފިއެވެ.
ޑިންގީ އޮޔާދާ ކަމުގެ ރިޕޯޓް ލިބުމާއެކު ފުލުހުން ވަނީ ޑީންގީ ހޯދުމުގެ މަސައްކަތް ފަށާފައެވެ. އެ ޑިންގީ އޮޔާދާ ކަމަށް ފުލުހުންނަށް ރިޕޯޓުކުރީ ހެނދުނު 8:39 ހާކަންހާއިރުއެވެ. އަދި ޑީންގީ ހޯދުމަށް ކުރަމުންދިޔަ މަސައްކަތުން އެ ޑިންގީ ފެނުނީ ބަންޑުން ޖަހާލައި، ޑިންގީގައި ތިބި ދެމީހުން އޭގެ މަތީގައި ތިއްބާއެވެ.
ފުލުހުން މައުލޫމާތު ދީފައިވާ ގޮތުގައި ޑިންގީގައި ތިބީ 40 އަހަރާއި 66 އަހަރުގެ ދިވެހި ދެ ފިރިހެނުންނެވެ. އަދި އެ ދެމީހުންގެ ހާލުވެސް ރަނގަޅުކަމަށް ފުލުހުން ބުނެފައިވެއެވެ.
މިސަރަހައްދުގައި މި ޑިންގީ ހޯދުމުގެ މަސައްކަތް ކުރަމުން ދަނިކޮށް ސިފައިންގެ ޓީމަށް އޮޔާދަނިކޮށް އިތުރު ޑިންގީއެއް ވެސް ފެނިފައިވެއެވެ. މި ޑިންގީ ވެސް އަނބުރާ މަޑަވެއްޔަށް ގެންދިޔުމަށް އެހީތެރިވެފައިވާ ކަމަށް ފުލުހުން ބުންޏެވެ.
ފުލުހުން ސޯޝަލް މީޑިއާގއި ކުރި ޕޯސްޓްގައި ކަނޑުދަތުރު ކުރުމުގައި މޫސުމަށް ސަމާލުވުމަށް އިލްތިމާސް ކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %