ކްރިޕްޓޯ ކްރައިމް ހުއްުޓުވުމަށް ރާއްޖެއިން އިންޓަރޕޯލް ޓްރެއިނިންގައި ބައިވެރިވެއްޖެ
Read Time:2 Minute, 57 Second
ކްރިޕްޓޯ އަދި ޑިޖިޓަލް ކަރަންސީގެ ކްރައިމްތައް ހުއްޓުވުމަށް އިންޓަނޭޝަނަލް ކްރިމިނަލް ޕޮލިސް އޮގަނައިޒޭޝަން (އިންޓަރޕޯލް) އިން ނަގައިދިން ޓްރެއިނިންގ އެއްގައި ރާއްޖޭގެ ފުލުހުންނާއި އެކި އޭޖެންސީ ތަކުން ބައިވެރިވެއްޖެއެވެ.
ކްރިޕްޓޯކަރަންސީއާ ގުޅޭ ކުށްތައް ތަހުގީގު ކުރާނެ ގޮތުގެ ހާއްސަ ތަމްރީނު ޕްރޮގްރާމެއްގައި ދިވެހި ފުލުހުންނާއި ފައިނޭންޝަލް ރެގިއުލޭޓަރުން ބައިވެރިވުމުގެ އަމާޒަކީ ޑިޖިޓަލް ފައިނޭންޝަލް ކްރައިމްތައް ރަނގަޅަށް ބެލެހެއްޓުމާއި މިފަދަ ކުށްތައް ހުއްޓުވައި ތަހުގީގް ކުރުމަށް ރާއްޖެއަށް އެހީތެރިވުމެވެ.
ޖުލައި 20 އިން 21 އަށް ކުރިއަށް ގެންދިޔަ މި ޕްރޮގްރާމްގައި ރާއްޖޭގެ މުހިންމު މުއައްސަސާތަކުގެ 28 އޮފިޝަލުން ބައިވެރިވެފައިވެއެވެ. މަ ތަމްރީން ކުރިޔަށް ގެންގޮސްފައިވަނީ އިންޓަޕޯލްގެ ތަޖުރިބާކާރުން އިސްކޮށް ތިބެގެން ކުރިޔަށް ގެންދިޔަ ސެޝަންތަކަކުންނެވެ.
މި ތަމްރީނުގައި މޯލްޑިވްސް ޕޮލިސް ސަރވިސްއާއި، ޕްރޮސިކިއުޓަރ ޖެނެރަލްގެ އޮފީހާއި، އެންޓި ކޮރަޕްޝަން ކޮމިޝަނާއި، މޯލްޑިވްސް މަނިޓަރީ އޮތޯރިޓީގެ ފައިނޭންޝަލް އިންޓެލިޖެންސް ޔުނިޓުގެ މީހުން ހިމެނެއެވެ. މި ތަމްރީންގެ ސަބަބުން ފައިނޭންޝަލް ޓެކްނޮލޮޖީތަކާ ގުޅުންހުރި ޖަރީމާތަކާ ދެކޮޅަށް އެކި އިދާރާތަކުން ގުޅިގެން މަސައްކަތް ކުރަމަށް މަގުފަހި ވެގެންދާނެއެވެ.
މި ތަމްރީންގައިވަނީ ބްލޮކްޗޭން ޓެކްނޮލޮޖީގެ އަސާސްތަކާ ބެހޭ ގޮތުން ދަސްކޮށްދީ، ބިޓްކޮއިން އާއި އިތީރިއަމް ފަދަ ބޮޑެތި ކްރިޕްޓޯކަރަންސީތައް ގަވާއިދާ ހިލާފަށް ބޭނުންކުރާ އާންމު ގޮތްތައް ކިޔައިދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %