އިންޑިއާގެ ބޮޑުވަޒީރު މޯދީއަށް ރަސްމީ އިއްޒަތުގައި މަރުހަބާ ދަންނަވައިފި
Read Time:2 Minute, 6 Second
އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެއަށް ކުރައްވާ ފުރަމާނަ ދަތުރުފުޅުގައި މިއަދު މެންދުރުފަހު މާލެއަށް ވަޑައިގެންނެވުމުން ރަސްމީ އިއްޒަތުގައި މަރުހަބާ ދަންނަވައިފިއެވެ.
މޯދީ ރާއްޖެ ވަޑައިގަތީ މިއަދުގެ ހެނދުނުގެ ވަގުތެއްގައެވެ. މޯދީ ރާއްޖެ ވަޑައިގަތުމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އެމަނިކުފާނަށް ރަސްމީ ފާލަން ސަރަހައްދުން މަރުހަބާ ވިދާޅުވެފައެވެ. އަދި ސްކޫލުގެ ދަރިވަރުން މަރުހަބާ ކިޔުމުގެ ގޮތުން ލަވައެއް ހުށަހަޅައި، ޖުމްހޫރީ މައިދާނުގައި ވަނީ މަރުހަބާ ކިޔުމަށް ހަރަކާތްތަކެއް ކުރިޔަށް ގެންގޮސްފައެވެ.
މި ދަތުރުފުޅުގައި ދެ ގައުމުގެ ދެމެދު އެއްބާރުލުން ގާއިމުކޮށްފައިވާ ދާއިރާތަކުން އިތުރަށް ގުޅުންބަދަހިކުރުމާ ގުޅޭގޮތުން މަޝްވަރާ ކުރައްވާނެ ކަމަށް ރައީސް އޮފީހުން ވަނީ ވިދާޅުވެފައެވެ.
އިންޑިއާގެ ބޮޑުވަޒީރު ނަރެންދްރަ މޯދީގެ މި ދަތުރުފުޅަކީ ދެ ދުވަހުގެ ދަތުރުފުޅެކެވެ. މިއީ އެމަނިކުފާނު ތިންވަނަ ފަހަރަށް އިންޑިއާގެ ބޮޑުވަޒީރުގެ މަޤާމާ ހަވާލުވެވަޑައިގެންނެވިފަހުން ރާއްޖެއަށް ކުރައްވާ ފުރަތަމަ ދަތުރުފުޅެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %