އެންސްޕާއާއި އާސަންދައިގެ ދަށުން ފުރާ މީހުނަށް 2000 ޑޮލަރު، އަމިއްލައަށް ނަމަ 1000 ޑޮލަރު
Read Time:1 Minute, 53 Second
ރާއްޖެއިން ބޭރަށް ބޭސް ފަރުވާއަށް ދާ ބަލި މީހުންނަށް ބޭންކް އޮފް މޯލްޑިވްސް (ބީއެމްއެލް) އިން ޑޮލަރު ލިބޭނެ ފަސޭހަ ގޮތްތަކެއް ހަމަޖައްސައިފިއެވެ.
މިދިޔަ މަހުގެ 21 ވަނަ ދުވަހު ރައީސް ޑރ. މުހައްމަދު މުއިއްޒު ވަނީ ރާއްޖެއިން ބޭރަށްދާ ބަލިމީހުންނަށް ޑޮލަރު ހޯދުމުގައި ލުއިފަސޭހަ ކޮށްދިނުމުގެ ގޮތުން ބޭންކުން ލިބޭ ޑޮލަރުގެ މިންވަރު އިތުރުކުރެއްވުމަށް ނިންމަވާފައެވެ.
އެނިންމެވުމާއި އެއްގޮތަށް ބޭންކުން މިހާރު އެންސްޕާއާއި އާސަންދަ މެދުވެރިކޮށް ފުރާ މީހުނަށް 2000 ޑޮލަރު ލިބޭނެ ގޮތް ވަނީ ހަމަޖައްސާފައެވެ. އަދި އެންސްޕާއާއި އާސަންދައިގެ އެހީ ނުލައި، އަމިއްލައަށް ފުރާ ނަމަ 1000 ޑޮލަރު ލިބޭނެއެވެ.
ބޭރަށް ފުރާ ބަލި މީހުންނަށް ދޭ ޑޮލަރު ލިމިޓް ބޭންކުން ބޮޑުކޮށްފައި މިވަނީ ކަޅު ބާޒާރުގައި ޑޮލަރެއްގެ އަގު 20 ރުފިޔާއިން މައްޗަށް ގޮސްފައި ވަނިކޮށެވެ. މި ބަދަލާއެކު ބޭސްފަރުވާއަށް ރާއްޖޭން ބޭރަށް ދަތުރުކުރާ ފަރާތްތަކަށް ޑޮލަރު ހޯދުމުގައި ހުރި ދަތިތަކަށް ލުޔެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %