މިފްކޯގެ މަސް ފިހާރައެއް މާލޭގެ ނޯތު ހާބަރުގައި ހުޅުވައިފި
Read Time:2 Minute, 12 Second
މިފްކޯގެ އައު މަސް ފިހާރައެއް މާލޭގެ ނޯތު ހާބަރުގައި ހުޅުވައިފި އެވެ.
މިއީ މާލޭގައި މިފްކޯ އިން ހުޅުވި އެ ކުންފުނީގެ ހަތަރުވަނަ މަސް ފިހާރަ އެވެ. މިފްކޯ މަސް ފިހާރައިގެ އައު ފިހާރަ ހުޅުވައިދެއްވީ މިފްކޯގެ ސޭލްސް މެނޭޖަރ ޢަބްދުﷲ ރަޝީދެވެ.
ނޯތު ހާބަރުގައި މިފިހާރަ ހުޅުވީ އަތޮޅުތެރޭގެ ރައްޔިތުންނަށް ވީހާވެސް ފަސޭހަ ގޮތަކަށް ހިދުމަތް ދިނުމުގެ ބޭނުމުގައި ކަމަށް އެކުންފުނިން ބުނެފައިވެއެވެ. އެގޮތުން މި ފިހާރައިން އާންމުކޮށް މިފްކޯގެ ފިހާރަތަކުން ލިބޭ ހުރިހާ ބާވަތްތަކެއްގެ މަހުގެ އުފެއްދުންތައް ލިބޭނެކަމަށް މިފްކޯއިން ބުންޏެވެ.
އެކުންފުނީގެ ޖެނެރަލް މެނޭޖަރ، ސޭލްސް އެންޑް މާކެޓިން އައިޝަތު ރިޔާޒާ ޕީއެސްއެމް ނިއުސްއާ ވާހަކަދައްކަވަމުން ވިދާޅުވީ މި ސަރަހައްދުގައި އައުޓްލެޓެއް ހުޅުވީ މިސަރަހައްދަކީ އަތޮޅުތެރެއަށް މުދާ ގެންދާ އޮޑިފަހަރު ފުރާ ސަރަހައްދަށް ވެފައި، ވިޔަފާރިވެރިންނަށް ހިދުމަތް ހޯދުމަށް އެންމެ މުހިންމު އެއް ސަރަހައްދު ކަމަށް ވާތީ އެވެ.
ނޯތް ހާބަރުގައި ހުޅުވި މިފްކޯގެ މަސްފިހާރަ ހުޅުވާފައި ހުންނާނީ ހުކުރު ދުވަހާއި، ސަރުކާރު ބަންދުނޫން ކޮންމެ ދުވަހެއްގެ ހެނދުނު 8:30 އިން ހަވީރު 6:00 އަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %