ނޯތު ހާބަރު ބޭނުން ކުރާ އުޅަނދުތަކުން އިތުރު ފީއެއް ނުނަގާނެ: އެމްޕީއެލް
Read Time:2 Minute, 24 Second
މާލެ ނޯތު ހާބަރު ސަރަހައްދަށް ކައިރިކުރާ ކަނޑު އުޅަނދުފަހަރުން މިހާރު ނަގަމުންދާ ފީތަކުގެ އިތުރުން އެއްވެސް ފީއެއް ނުނަގާނެ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފިއެވެ.
އެމްޕީއެލް އިން ކުރި ޕޯސްޓެއްގައި ބުނީ އެކުންފުނީގެ ނޯތު ހާބަރއިން މިހާރު ނަގަމުންދާ ފީތަކުގެ އިތުރުން އެއްވެސް ފީއެއް ނެގުމަށް އެ ކުންފުނިން ނިންމާފައެއް ނުވާ ކަމަށާއި، ނޯތު ޕޯޓްގެ ސަރަހައްދަށް އިތުރު ކުރެވުނު ސަރަހައްދު ތަރުތީބުކޮށް، އިންތިޒާމް ކުރުމުގެ މަސައްކަތް މިހާރު ކުރަމުން އަންނަ ކަމަށެވެ.
މިހާރު ގަވައިދުގައި ވާގޮތުން ފީގެ ގޮތުގައި ’އޭ‘ ޒޯނުގައި ހުންނަ އުޅަނދުގެ ފުޅާމިނަށް ބަލައި، ގަޑިއަކު މީޓަރަކަށް 50 ލާރި ނަގައެވެ. އަދި ’ބީ‘ އާއި ’ސީ‘ ޒޯނުން އުޅަނދުގެ ފުޅާމިނުން ގަޑިއަކު މީޓަރަކަށް އެއް ރުފިޔާ ނަގައެވެ.
އެމްޕީއެލް އިން ބުނީ އެ ސަރަހައްދު ތަރުތީބުކުރެވުމުން، މަސް ދޯނި ފަހަރަށް އިތުރު ޖާގަ ލިބި، އިތުރު ލުއިފަސޭހަތަކެއް ލިބިގެންދާނެ ކަމަށެވެ. އަދި އަތޮޅުތަކަށް މުދާ އުފުލާ އުޅަނދުތަކަށް މުދާ ބޭލުމާއި އެރުވުމުގެ މަސައްކަތްތައްވެސް މިހާރަށްވުރެ އަވަސް ވާނެ ކަމަށް އެކުންފުނިން ބުންޏެވެ.
މީގެ އިތުރުން މި ސަރަހައްދަށް ގާތްކުރާ މަސް ދޯނި ފަހަރުން އެއްވެސް ފީއެއް ނުނަގާނެ ކަމަށް އެމްޕީއެލް އިން ވަނީ ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %