ކަނޑުތައް ގަދަވާނެތީ ރާއްޖޭގެ ބޮޑުބަޔަކަށް ރީނދޫ ސަމާލު
Read Time:2 Minute, 39 Second
ކުރިއަށް އޮތް 24 ގަޑިއިރު ތެރޭގައި މޫސުން ގޯސްވެ، ކަނޑުތައް ގަދަވާނެ ކަމަށް ލަފާކޮށް ރާއްޖޭގެ ބޮޑުބަޔަކަށް ރީނދޫ ސަމާލު ނެރެފިއެވެ.
މޫސުމާއި ބެހޭ ގައުމީ އިދާރާއިން ވަނީ ރާއްޖޭގެ ބޮޑު ބަޔަކަށް ވައި ގަދަވެ، ކަނޑުތައް ވަރަށް ގަދަވާނެ ތީ ސަމާލުތައް ނެރެފައެވެ. އެގޮތުން ރާއްޖޭގެ އުތުރަށް ރީނދޫ ސަމާލު އަދި ދެކުނަށް ހުދު ސަމާލު ވަނީ ނެރިފައެވެ.
ހއ. އަތޮޅުން ފެށިގެން ކ. އަތޮޅަށް ޔެލޯ އެލާޓް ހެނދުނު 7:30 އިން ފެށިގެން މެންދުރު 1:30 އަށް ރީނދޫ ސަމާލު ނެރިފައި ވަނީ ގަޑިއަކު 25 މޭލާއި 30 މޭލާއި ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ވަރަށް ގަދަވާނެ ކަމަށް ލަފާކޮށްފައެވެ.
އަދި އއ. އަތޮޅުން ފެށިގެން ލ. އަތޮޅަށް ވަނީ ހެނދުނު 7:30 އިން ފެށިގެން މެންދުރު 1:30 އަށް، ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކޮށް ހުދު ސަމާލު ނެރިފައެވެ.
އެ އިދާރާއިން ވަނީ ކުރިއަށް އޮތް 24 ރާއްޖޭގެ ހުރިހާ ހިސާބެއްގެ ކަނޑުތައް ވެސް ގަދަވާނެ ކަމަށް ލަފާކޮށްފައެވެ. އެހެން ކަމުން ކަނޑު ދަތުރު ކުރުމުގައި މޫސުމަށް ސަމާލުވުމަށް އިލްތިމާސްކޮށްފައެވެ. އަދި އެމްއެންޑީއެފް އިން ވެސް ވަނީ ރޭގަނޑަށް ދަތުރު ނުކުރުމަށާއި މޫސުން ގޯސްނަމަ ދަތުރު ފަސްކުރުމަށް އެދި، ރީނދޫ ސަމާލާއި އޮރެންޖް ސަމާލު ނެރިފައިވަނިކޮށް ދަތުރު ނުކުރަން އިލްތިމާސްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %