ޓެކްސް އާ ގުޅުންހުރި ކުށްތަަކަށް ދެވޭ އަދަބުތައް ބޮޑުކުރަން ހުށަހަޅައިފި
Read Time:2 Minute, 57 Second
އިދާރީ ޓެކްސް ނެގުމުގެ ގާނޫނަށް ބަދަލު ގެނެސް، ޓެކްސްގެ ގާނޫނާއި ހިލާފުވުމުން ލިބޭ އަދަބުތައް ބޮޑުކުރަން އިސްލާހު ހުށަހަޅައިފި އެވެ.
މި ބަދަލު ގެނައުމުގެ މައިގަނޑު މަގުސަދަކީ ޓެކްސް ދައްކަން ޖެހޭ ފަރާތަކުން ހުށައަޅަންޖެހޭ ޓެކްސް ބަޔާން ހުށަނާޅާ ހާލަތުގައި، ޓެކްސް ދައްކާ ފަރާތްތަކަށް ދައްކަންޖެހޭ ޓެކްސްގެ އަދަދު އަންދާޒާކޮށް ކަނޑައެޅުމާއި، އެކަމަށް ރަސްމީކޮށް ގާނޫނުގައި ގަވާއިދުތައް ކަނޑައެޅުމުގެ ބާރު މީރާ (މޯލްޑިވްސް އިންލެންޑް ރެވެނިއު އޮތޯރިޓީ) އަށް، ދިނުމެވެ.
އަދި މި އިސްލާހާއެކު މީރާއިން އޮޑިޓްތަކާއި ތަހުގީގުތައް ހިންގާ އުސޫލްތަކާއި، އިޖުރާއަތުތަކާއި ޓެކުހުގެ ގޮތުގައި ލިބެންވާ ފައިސާ ހޯދުމުގައި މީރާއަށް ލިބިގެންވާ ބާރުތައް މުރާޖައާކޮށް، ޓެކްސް ފައިސާ ހޯދާނެ ގޮތްތަކަށް ވެސް ބަދަލު އަންނާނެއެވެ. އަދި މީގެ އިތުރުން އެ އިސްލާހުގައި ޓެކްސްއާ ގުޅުންހުރި ކުށްތަކާއި އަދަބުތައް ވަނީ ވަރުގަދަ ވެގެންދާނެއެވެ.
އައު އިސްލާހުގެ ދަށުން ޓެކްސް ފިޔަވައި ސަރުކާރަށް ދައްކަންޖެހޭ އެއްވެސް ފައިސާއެއް މުއްދަތުގެ ތެރޭ ނުދައްކައިފި ނަމަ، އެ ފައިސާއެއް ޝަރީއަތް މެދުވެރިކޮށް ހޯދުމުގެ ބާރު މީރާއަށް ލިބޭނެ އެވެ. މިހާރު އެބާރު އޮންނަނީ ބަންޑާރަ ނައިބުގެ އަތުގައެވެ.
މި އިސްލާހުގައި ވަނީ ޓްކްސް އާއި ގުޅުންހުރި ކުށްތަކަށް އަދަބުވެސް ބޮޑުކޮށްފައެވެ. އެގޮތުން މިހާރު ގޭބަންދުގެ ހުކުމް އަންނަ ކުށްތަކަށް ޖަލު ހުކުމެއް އަންގޮތަށް ބަދަލު ގެންނަން އިސްލާހުގައި ވެއެވެ. އަދި ބައެއް ކުށްތަކަށް ޖޫރިމަނާކޮށް، ޖަލު ހުކުމް އަންނަ ގޮތަށް ބަދަލުކުރަން ވަނީ ހުށަހަޅާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %