ރަނުގެ އަގު ކުޑަކޮށް ދަށަށް ދިޔަނަމަވެސް އިންޑިކޭޓަރުތައް ދައްކަނީ ބުލިޝް މާކެޓެއް
Read Time:3 Minute, 51 Second
މި ބުދަ ދުވަހު ރަނުގެ އަގު ކުޑަކޮށް ދަށަށް ހިނގައްޖެއެވެ.
މި ހަފްތާ އެއްކޮށްހެން ރަނުގެ އަގު މައްޗަށް ދިޔަ ނަމަވެސް މިއަދު ރަނުގެ އަގު ވަނީ ކުޑަކޮށް ތިރިވެފައެވެ. އެއީ ޓްރޭޑަރުން އެންމެ ފަހުގެ އިންވެސްޓްތަކުން ފައިސާ ނަގަން އިހްތިޔާރު ކުރުމުން ކަމަށް އެކަށީގެންވެއެވެ.
މިއަދު ރަނުގެ އަގު ތިރިވެފައި މިވަނީ އެމެރިކާގެ ފެޑެރަލް ރިޒާވްގެ ހަބަރުތަކުގެ ވެސް އަސަރުކޮށްގެންނެވެ. އެގޮތުން ފެޑެރަލް ރިޒާވްގެ މަގާމުތަކާ ގުޅޭ ގޮތުން އެމެރިކާގެ ރައީސް ޑޮނަލްޑް ޓްރަމްޕް ވަނީ މުހިންމު އިއުލާނެއް ކުރައްވާފައެވެ. ޓްރަމްޕް ވިދާޅުވީ އިސްތިއުފާ ދެއްވި ފެޑް ގަވަރުނަރެއްގެ ބަދަލުގައި އެހެން ބޭފުޅަކު ވަރަށް އަވަހަށް ނަންގަވައި، ހަފްތާ ނިމޭއިރު ފެޑްގެ ޗެއާ ޖެރޯމް ޕަވަލްގެ ބަދަލުގައި ނަގާނީ ކޮންބޭފުޅެއްތޯ އިއުލާން ކުރައްވާނެ ކަމަށެވެ.
ސެޕްޓެމްބަރު މަހު އިންޓަރެސްޓް ރޭޓް ކުޑަވެދާނެ ކަމުގެ އުންމީދު ބޮޑުވުމުން، ފެޑުން ދެން ނިންނާމެ ނިންމުން ތަކަށް މާކެޓުން ދަނީ ވަރަށް ގާތުން ބަލަމުންނެވެ. ޔޫއެސް ސާވިސަސް ޕީއެމްއައި ފަދަ ފަހުގެ އިގްތިސާދީ ޑޭޓާތަކުން ލަފާކުރިވަރަށްވުރެން ދަށްވުމުގެ ސަބަބުން ގިނަދުވަަސް ތަކަކަށް އަގުދަށް ވެފައިވާ ޔޫއެސް ޑޮލަރަށް ޕްރެޝަރު ވަނީ ބޮޑުވެފައެވެ.
މިއީ އާންމުކޮށް ރަނުގެ އަގު މައްޗަށްދާ ކަމެއް ނަމަވެސް، ދުނިޔޭގެ ރިސްކް ސެންޓިމެންޓް ރަނގަޅުވުމާއި ޑޮލަރުގެ ވަގުތީ ސްޓެބިލިޓީގެ ސަބަބުން މިވަގުތު ރަނުގެ އިތުރު ކުރިއެރުންތަކެއް ނާދެއެވެ.
ޓެކްނިކަލް އިންޑިކޭޓަރުތަކުން އަދިވެސް އިޝާރާތް ކުރަނީ ރަނުގެ ޗާޓު ބުލިޝް ކަމަށެވެ. ރިލޭޓިވް ސްޓްރެންތް އިންޑެކްސް (އާރުއެސްއައި) 55 އަށް ވުރެ މަތީގައި ހުންނައިރު، ރަނުގެ އަގު މައްޗަށް އެރުމަށް ފުރުސަތު އޮތް ކަމަށް ބެލެވެ އެވެ.
އަނެއްކާވެސް ރަނުގެ އަގު މައްޗަށް ގޮސްފިނަމަ ރެސިސްޓެންސް އޮތީ 3،400 ޑޮލަރާއި ދެން 3،440 ޑޮލަރާހަމައިންނެވެ. ނަމަވެސް ކީ ސަޕޯޓް ޒޯނުން ގާތްގަނޑަކަށް 3،348 ޑޮލަރަށް ވުރެ ދަށަށް އަގު ވެއްޓިއްޖެނަމަ އިތުރު ގެއްލުންތަކުގެ ސަބަބުން 3،300 ޑޮލަރަށް ނުވަތަ 3،282 ޑޮލަރަށް ވެސް ރަނުގެ އަގު ވެއްޓިދާނެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %