ފެޑް ރޭޓް ކުޑަކުރުމުގެ އުންމީދާއެކު އެމެރިކާ ޑޮލަރު ދަށަށް
Read Time:3 Minute, 11 Second
އޮގަސްޓް މަހުގެ 8 ވަނަ ދުވަހު އެމެރިކާ ޑޮލަރު ކުޑަކޮށް މައްޗަށް ގޮސްފައިވީ ނަމަވެސް، ފެޑެރަލް ރިޒާވުން އިންޓަރެސްޓް ރޭޓް ދަށްކުރާނެ ކަމަށް ބެލެވޭތީ ވީކްލީ ޗާޓުގައި ޑޮލަރުގެ އަގު ދަށަށްދާންފަށައިފިއެވެ.
އިންވެސްޓަރުން ލަފާކުރާ ގޮތުގައި އެމެރިކާގެ ފެޑެރަލް ރިޒާވުން ވަރަށް އަވަހަށް ރޭޓްތައް ދަށްކުރަން ފަށާނެއެވެ. މިދިޔަ އަހަރުން ފެށިގެން މާކެޓައް ގިނަ ބަދަލުތަކެއް އަންނަނީ ފެޑް ރޭޓް ނިންމުން ތަކުގެ ސަބަބުންނެވެ. މިވަގުތުވެސް ޑޮލަރުގެ އަގު ވަނީ 0.6% ތިރިވެފައެވެ.
އެމެރިކާގެ ރައީސް ޑޮނަލްޑް ޓްރަމްޕް ފެޑެރަލް ރިޒާވްގެ ގަވަރުނަރަކަށް ސްޓީވަން މިރާން ވަގުތީ ގޮތުން އައްޔަން ކުރެއްވުމާ ގުޅިގެން ވެސް މާކެޓަށް ވަނީ އަސަރުކޮށްފައެވެ. އޭނާ އަކީ އިންޓަރެސްޓް ރޭޓް ކުޑަކުރުމަށް ތާއީދުކުރާ މީހަކަށް ވުމާއެކު އިންވެސްޓަރުން އަންދާޒާ ކުރަނީ ވަރަށް އަވަހަށް މި ބަދަލު އަންނާނެ ކަމަށެވެ.
މީގެ އިތުރުން ޓްރަމްޕް ވަނީ ފެޑްގެ މިހާރުގެ ޗެއާ މަގާމުން ވަކިކޮށް، އައު ޗެއާއަކަށް ކްރިސްޓޮފަރ ވޯލާރ ހަމަޖައްސާނެ ކަމަށް ބުނެފައެވެ. އޭނާ އަކީވެސް ރޭޓް ކުޑަކުރުމަށް ތާއީދުކުރާ މީހެއް ކަމަށް ބެލެވެ އެވެ.
މިހާރު ބެލެވޭ ގޮތުގައި ފެޑްގެ ސެޕްޓެމްބަރު މަހުގެ ބައްދަލުވުމުގައި ރޭޓް ކުޑަކުރުމުގެ ފުރުސަތު ވަނީ އިންތިހާއަށް ބޮޑުވެފައެވެ. ފެޑްގެ ޕްލޭންތައް ކަށަވަރު ކުރުމަށްޓަކައި ޓްރޭޑަރުން އަންނަނީ ކުރިއަށް އޮތް އިންފްލޭޝަންގެ ޑޭޓާ ވަރަށް ގާތުން ބަލަމުންނެވެ.
މާކެޓްތައް ރޭޓް ދަށްކުރުމަށް ތައްޔާރުވަމުންދާއިރު، ޑޮލަރަށް ވަނީ ވަރަށް ޕްރެޝަރު ކުރިމަތިވެފައިއެވެ. އަދި ކުރިއަށް އޮތް ހަފްތާތަކުގައި ނެރޭ އިގްތިސާދީ ރިޕޯޓްތަކުން ޑޮލަރުގެ އަގަށް އަންނަ ބަދަލު ދެނެގަތުން މުހިންމެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %