ޖުލައި މަހު ދައުލަތަށް 3.39 ބިލިޔަން ރުފިޔާ ލިބިއްޖެ
Read Time:2 Minute, 14 Second
މޯލްޑިވްސް އިންލޭންޑް ރެވިނިއު އޮތޯރިޓީ (މީރާ) ގެ ތަފާސް ހިސާބުން ދައްކާ ގޮތުގައި މިދިޔަ ޖުލައި މަހު އާމްދަނީގެ ގޮތުގައި 3.39 ބިލިޔަން ރުފިޔާ ލިބިއްޖެ އެވެ.
މީރާއިން އާންމުކޮށްފައިވާ ތަފާސް ހިސާބުތައް ދައްކާގޮތުން މިއަހަރުގެ ޖުލައި މަހު، ދައުލަތަށް 3.39 ބިލިޔަން ރުފިޔާ ވަނީ ލިބިފައެވެ. މިއީ މިދިޔަ އަހަރުގެ ޖުލައި މަހުގައި ލިބުނު 2.93 ބިލިޔަ ރުފިޔާގެ އާމްދަނީއާ އަޅައި ބަލާއިރު ރަނގަޅު ކުރިއެރުމެކެވެ. އަދި މިއީ މިއަހަރުގެ ޖުލައި މަހުގައި ލިބޭނެ ކަމަށް އަންދާޒާކުރި އަދަދަށް ވުރެން ބޮޑު އަދަދެކެވެ.
ޖުލައި މަހު ލިބުނު ޖުމްލަ އާމްދަނީގެ ތެރެއިން އެންމެ ބޮޑު ހިއްސާއެއް ކުރަނީ އިންކަމް ޓެކްސް އިންނެވެ. އެގޮތުން ޖުލައި މަހު އިންކަމް ޓެކްސްގެ ގޮތުގައި ޖުމްލަ 1.6 ބިލިޔަން ރުފިޔާ ލިބިފައިވާއިރު މިއީ ޖުމްލަ އަދަދުގެ 49% ގެ އަދަދެކެވެ. ދެން އެންމެ ބޮޑުބައެއް ހިއްސާކުރަނީ ޑޮލަރު އާމްދަނީއެވެ. ޖުލައި މަހު ލިބުނު ޖުމްލަ އާމްދަނީގެ ތެރެއިން ޑޮލަރު އާމްދަނީގެ ގޮތުގައި 105.85 މިލިޔަން ޑޮލަރު ލިބިފައިވެއެވެ.
މީރާއިން ވަނީ މިއަހަރު ޖުލައި މަހު ލިބޭނެ ކަމަށް އަންދާޒާ ކުރި މިންވަރަށް ވުރެ 12.8 އިންސައްތަ އާމްދަނީ އިތުރުވިކަން ފާހަގަކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %