ޔޫކްރޭން ހަނގުރާމަ ނިމުމަކަށް ގެނައުމާ ބެހޭ ގޮތުން ޕޫޓިން އާއި ޓްރަމްޕް މަޝްވަރާ ކުރަނީ
Read Time:2 Minute, 52 Second
ޔޫކްރޭން ހަނގުރާމަ ނިމުމަކަށް ގެނައުމާ ބެހޭ ގޮތުން މަޝްވަރާ ކުރައްވަން ޕޫޓިން އާއި ޓްރަމްޕް ބައްދަލުކުރަން ހަމަޖެހިއްޖެއެވެ.
އޮގަސްޓް 15 ވާ ހުކުރު ދުވަހު، އެމެރިކާގެ އަލަސްކާގައި ރަޝިޔާގެ ރައީސް ވްލަޑިމިރް ޕޫޓިންއާ ޓްރަމްޕް ބައްދަލުކުރައްވަން ހަމަޖެހިފައި އޮތްއިރު، ޓްރަމްޕް ވިދާޅުވީ މި ބައްދަލުވުމުގައި ހަނގުރާމަ ހުއްޓާލުމުގެ އެއްބަސްވުމަކަށް އާދެވޭނެ ކަމަށް ގަބޫލް ކުރައްވާ ކަމަށެވެ.
ޓްރަމްޕް ވިދާޅުވީ ޕޫޓިންއާ ބައްދަލުވުމަކީ ހަނގުރާމަ ހުއްޓާލުމުގެ ފުރަތަމަ ފިޔަވަޅަކަށް ވާނެ ކަމަށާއި، ފަހުން، ޔޫކްރޭންގެ ރައީސް ވޮލޮޑިމިރް ޒެލެންސްކީ ހިމެނޭ ގޮތަށް މަޝްވަރާތައް ވެސް ކުރެވިދާނެ ކަމަށެވެ. އަދި އޭނާ ވިދާޅުވީ ބައްދަލުވުމަށް ފަހު ޔޫރަޕްގެ ލީޑަރުންނާ ވާހަކަ ދައްކަން ރާވާފައިވާ ކަމަށާއި، ހަނގުރާމަ ހުއްޓާލުމަކަށް އާދެވޭނެ ކަމަށް އުންމީދު ކުރައްވާ ކަމަށެވެ.
މީގެ އިތުރުން ޓްރަމްޕް ވަނީ ހަނގުރާމަ ނިމުމަކަށް ގެނައުމަށް ޔޫކްރޭނާއި ރަޝިޔާއިން ބިން ދެގައުމަށް ބަހަން ޖެހިދާނެ ކަމަށް ވިދާޅުވެފައެވެ. ބިން ބަދަލުކުރުމުގެ ހިޔާލު ކުރިން ވެސް ފާހަގަކޮށްފައިވީ ނަމަވެސް ރަޝިޔާ އާއި ޔޫކްރޭނުން ވެސް އެކަމަށް އެއްބަސްވެފައެއް ނުވެ އެވެ.
ޔޫރަޕްގެ ގައުމުތަކުން ކަންބޮޑުވަނީ ރަޝިޔާއަށް މާގިނަ ބިންތަކެއް ދިނުމުން ކުރިއަށް އޮތްތަނުގައި ސަލާމަތީ ނުރައްކަލެއް ކުރިމަތިވެދާނެތީއެވެ. މި ހަނގުރާމަ ފެށުނީ 2022 ވަނަ އަހަރުގެ ފެބްރުއަރީ މަހުގައެވެ. މިހާރު ރަޝިޔާގެ ކޮންޓްރޯލްގެ ދަށުގައި ޔޫކްރޭންގެ %20 ވަރަކަށް ސަރަހައްދު އެބައޮތެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %